ઝઘડા બાબતનો ખાર રાખી ચાર શખ્સો તુટી પડયા
જામજોધપુરના ધોળીયાનેશવાળી ચોકડી પાસે અગાઉના ઝઘડાનો ખાર રાખીને રબારી યુવાનને ધોકા, લાકડી અને ઢીકાપાટુ વડે માર મારી ફ્રેકચર સહિતની ઇજાઓ પહોચાડયાની ગામમાં રહેતા શખ્સો સામે ફરીયાદ નોંધાવી છે.
જામજોધપુરના ભડાનેશ ખાતે રહેતા ખેતીકામ કરતા ગોવા મગનભાઇ ગળચર (ઉ.વ.૨૬)એ ગઇકાલે ભડાનેશના રાજુ ગોવિંદ ભારાઇ, ગોવિંદ ભગા ભારાઇ, દાના ભગા ભારાઇ તથા એક અજાણ્યા ઇસમ સામે જુદી જુદી કલમ મુજબ ફરીયાદ નોંધાવી હતી.
ગત તા. ૬ના સાંજના સુમારે ધોળીયાનેશ ચોકડી પાસે આરોપીઓએ છોકરી બાબતના ઝઘડાનો ખાર રાખીને ફરીયાદી ગોવાભાઇને અપશબ્દો કહી તેમજ લાકડી, ધોકા અને ઢીકાપાટુ વડે માર માર્યો હતો જેમાં ફરીયાદીને ગોઠણ અને હાથની કલાઇ, ખભાના ભાગે ફ્રેકચર જેવી ઇજાઓ પહોચી હતી, ઉપરાંત આરોપીઓએ ફરીયાદીને જાનથી મારી નાખવાની ધમકી આપી હતી.
***
બેડીમાં રીક્ષા ડ્રાઇવર પર છરીબાજી: રેતીના ઢગલા બાબતે પાડોશી શખ્સ વિફર્યો

બેડીના ઇકબાલ ચોકમાં વાઘેર યુવાન પર છરીથી હુમલો કરી ઇજા પહોચાડયાની પાડોશમાં રહેતા શખ્સ સામે ફરીયાદ કરવામાં આવી છે, ઘર પાસે રેતીનો ઢગલો કર્યો હોય જે સારુ નહીં લાગતા આરોપી વિફર્યો હતો.
બેડીના હોળી ફળીમાં રહેતા રીક્ષા ડ્રાઇવર ફા‚ક દાઉદભાઇ માણેક (ઉ.વ.૪૧) ના ઘરનું રીપેરીંગ કામ કરવા માટે રેતીનું ડમ્પર મંગાવ્યુ હતું અને પોતાના ઘર પાસે રેતીનો ઢગલો કરીને રેતી સારતા હતા જે આરોપીને સારુ નહી લાગતા તેનો ખાર રાખી ફા‚કભાઇને ગત તા. ૬ના બેડી ઇકબાલ ચોક, પાનની દુકાને છરીના બે ઘા વાંસાના ભાગે ઝીંકી દીધા હતા અને પાંસળી ભાંગી નાખી હતી.
ઇજાગ્રસ્તને સારવારમાં ખસેડવામાં આવ્યા હતા, દરમ્યાન ફા‚કભાઇ માણેકે આ બનાવ અંગે ગઇકાલે બેડી મરીન પોલીસમાં બેડી ગઢવાળી સ્કુલ પાછળ હોળી ફળીમાં રહેતા અબ્બાસ ઇસ્માઇલ સુભાણીયાની વિરુઘ્ધ ફરીયાદ નોંધાવી હતી.
***
દ્વારકામાં છરી સાથે બે શખ્સો ઝડપાયા
દ્વારકા તાલુકાના વાંચ્છું ગામના વાડી વિસ્તારમાં રહેતા પોલાભા જશરાજભા માણેક (ઉ.વ. ૫૦) તેમજ ઉદ્યોગ નગર - સુરજકરાડી ખાતે રહેતા દીપક કારાભાઈ પરમાર (ઉ.વ. ૩૫) ને પોલીસે છરી સાથે નીકળતા ઝડપી લઇ, બંને સામે જી.પી. એક્ટની કલમ હેઠળ કાર્યવાહી કરી હતી.