દ્વારકામાં સુદામા પુરી વિસ્તારમાં રહેતા કિશનભાઈ હસમુખભાઈ પાઉં નામના 29 વર્ષના વેપારી યુવાન તેમની દુકાને હતા, ત્યારે દ્વારકાના રહીશ જીત રૂડાભાઈ સોનગરા નામના શખ્સએ તેમની પાસે આવી, તેમને બિભત્સ ગાળો કાઢી, ઢીકાપાટુનો માર માર્યો હતો. આટલું જ નહીં, આરોપી જીત સોનગરાએ ફરિયાદી કિશનભાઈને જાનથી મારી નાખવાની ધમકી પણ આપતા આ સમગ્ર બનાવ અંગે દ્વારકા પોલીસ મથકમાં ગુનો નોંધાયો છે. થોડા દિવસો પૂર્વે આરોપી જીતના માતાને કિશનભાઈ સાથે શાકભાજી લેવા બાબતે બોલાચાલી થઈ હતી. જેના અનુસંધાને ઉપરોક્ત બનાવ બન્યો હોવાનું પોલીસ ફરિયાદમાં જાહેર થયું છે.

પોલીસને કેમ બાતમી આપે છે તેમ કહીને વરવાળાના યુવાન પર જીવલેણ હુમલો

દ્વારકા તાલુકાના વરવાળા ગામે રહેતા જુમાભાઈ ઉર્ફે ડાડો ઈશાભાઈ ઢોકી નામના 34 વર્ષના મુસ્લિમ માછીમાર યુવાન તેમના મોટરસાયકલ પર બેસીને દ્વારકાથી રૂપેણ બંદર ખાતે તેમના ઘરે જઈ રહ્યા હતા. ત્યારે માર્ગમાં ગુલામ હુસેન ઈસા લુચાણી, કાસમ ઈસા લુચાણી, મામદ ઈસા લુચાણી, સબીર સતાર ઢોકી અને અસગર સતાર ઢોકી નામના પાંચ શખ્સોએ માર્ગમાં તેમને અટકાવી અને તેમનો સમાન ઇરાદો પાર પાડવા ગેરકાયદેસર મંડળી રચીને હુમલો કર્યો હતો. આરોપીએ ફરિયાદી જુમાને તું પોલીસ પાસે અમારી ખટપટ કેમ કરે છે?- વિગેરે બાબતે માર મારી, ઇજાઓ કયર્નિી તથા જાનથી મારી નાખવાની ધમકી આપ્યાની ફરિયાદ દ્વારકા પોલીસ મથકમાં નોંધાઈ છે. જે અંગે પોલીસે તમામ પાંચ શખ્સો સામે રાયોટીંગ સહિતની જુદી જુદી કલમ હેઠળ ગુનો નોંધી, આગળની કાર્યવાહી કરી હતી.