મિનિટમેન III મિસાઈલ

૧૯૭૦ના દાયકાથી ઉપયોગમાં લેવાતું મિનિટમેન III, ત્રણ-તબક્કાનું ઘન ઇંધણ ધરાવતું ICBM છે. તેની રેન્જ લગભગ ૧૩,૦૦૦ કિમી છે અને તે બહુવિધ MIRV (મલ્ટીપલ ઇન્ડિપેન્ડન્ટલી ટાર્ગેટેબલ રીએન્ટ્રી વ્હીકલ્સ) વહન કરી શકે છે. હાલમાં આ મિસાઇલો અમેરિકામાં 400 સિલોમાં તૈનાત છે.

ટ્રાઇડેન્ટ II મિસાઇલ

ટ્રાઇડેન્ટ II મિસાઇલ લોકહીડ માર્ટિન સ્પેસ દ્વારા વિકસાવવામાં આવી છે અને તે સબમરીન-લોન્ચ બેલિસ્ટિક મિસાઇલ (SLBM) છે. તે યુએસ નેવીની ઓહિયો અને બ્રિટિશ વેનગાર્ડ-ક્લાસ સબમરીનમાં તૈનાત છે. તેની રેન્જ ફુલ લોડ સાથે 7,800 કિમી અને હળવા લોડ સાથે 12,000 કિમી સુધી પહોંચે છે.

વોયેવોડા મિસાઈલ

વોયેવોડા, જેને નાટોના નામ SS-18 સેટનથી ઓળખવામાં આવે છે, તે રશિયાની સૌથી ઘાતક મિસાઇલોમાંની એક છે. તેની રેન્જ લગભગ ૧૧,૦૦૦ કિમી છે અને તે એકસાથે ૧૦ થી વધુ મોટા થર્મોન્યુક્લિયર વોરહેડ્સ લઈ જઈ શકે છે. તે ખાસ કરીને અમેરિકાને નિશાન બનાવવા માટે બનાવવામાં આવ્યું હતું.

યાર્સ મિસાઇલ

યાર્સ મિસાઇલ, જેને SS-29 અથવા SS-27 મોડ 2 તરીકે પણ ઓળખવામાં આવે છે, તે 12,000 કિમીની રેન્જ સાથે MIRV થી સજ્જ ઘાતક ICBM છે. તેનું સૌપ્રથમ પરીક્ષણ 2007 માં કરવામાં આવ્યું હતું અને 2010 થી સક્રિય રીતે ઉપયોગમાં લેવાયું છે.

SLBM 12 મિસાઈલ

આ SLBM 12 થર્મોન્યુક્લિયર વોરહેડ્સ વહન કરવામાં સક્ષમ છે અને તેની રેન્જ ઓછા ભાર સાથે 12,000 કિમી સુધી પહોંચી શકે છે. તે ખાસ કરીને રશિયાની પરમાણુ સબમરીન માટે બનાવવામાં આવ્યું છે.

DF-41 મિસાઈલ

DF-41 એ ચીનનું સૌથી આધુનિક અને લાંબા અંતરનું રોડ મોબાઇલ ICBM છે, જેની રેન્જ 12,000 થી 15,000 કિમી છે. તે 10 MIRV વોરહેડ્સ વહન કરવામાં સક્ષમ છે અને તેનો હેતુ યુએસ લક્ષ્યો સુધી પહોંચવાનો છે.

DF-31 મિસાઈલ

DF-31 એ ત્રણ તબક્કાની ઘન ઇંધણવાળી મિસાઇલ છે જેની અંદાજિત રેન્જ 8,000 થી 11,700 કિમી છે. તે મોબાઇલ લોન્ચર પર તૈનાત છે જેમાંથી તેને ઝડપી પ્રતિભાવમાં લોન્ચ કરી શકાય છે.

JL-3 મિસાઇલ

ટાઇપ 096 સબમરીન માટે રચાયેલ JL-3 મિસાઇલ 9,000 થી 12,000 કિમીની રેન્જ ધરાવે છે. તે ચીનના દરિયાઈ પરમાણુ અવરોધનો આધાર બનવા જઈ રહ્યું છે.

M51 મિસાઇલ

M51 મિસાઇલને 2010 માં ફ્રેન્ચ નૌકાદળમાં સામેલ કરવામાં આવી હતી. તે છ થી દસ સ્વતંત્ર વોરહેડ્સ વહન કરવામાં સક્ષમ છે અને તેની રેન્જ 8,000 થી 10,000 કિમીની વચ્ચે છે.

અગ્નિ-5 મિસાઈલ

અગ્નિ-5 ભારતની પ્રથમ આંતરખંડીય રેન્જ બેલિસ્ટિક મિસાઇલ છે. તેની રેન્જ 5,000+ કિમી છે અને તે 1.5 ટન પરમાણુ પેલોડ વહન કરી શકે છે. ભારતના સ્ટ્રેટેજિક ફોર્સિસ કમાન્ડ (SFC) હેઠળ, આ મિસાઇલ ભારતની પરમાણુ પ્રતિરોધક ક્ષમતાનું પ્રતીક બની ગઈ છે.