રાજકોટ મેટોડા જીઆઇડીસીમાં આવેલી બી.જી. સ્ટીલ કંપનીની આગળ જાહેરમાં જુગાર રમતા સાત શખસોને પોલીસે ઝડપી લીધા હતા. પોલીસે પટમાંથી . ૩૫,૭૦૦ ની રોકડ કબજે કરી ધોરણસરની કાર્યવાહી હાથ ધરી છે. જુગારના આ દરોડાની જાણવા મળતી વિગતો મુજબ, મેટોડા જીઆઇડીસી પોલીસ મથકનો સ્ટાફ પેટ્રોલીંગમાં હતો દરમિયાન મળેલી બાતમીના આધારે અહીં આવેલી બી.જી.સ્ટીલ કંપની આગળ જાહેરમાં જુગાર રમતા સાત શખસોને ઝડપી લીધા હતાં. જુગાર રમતા ઝડપાયેલા શખસોમાં શમશેર રફીકભાઇ કુરેશી, હલીમ નુરમહોમદ કુરેશી, દિલીપ મુન્નાલાલ બંસલ, ધર્મેન્દ્ર સંજયભાઇ યાદવ, પ્રેમ અણભાઇ ચૌધરી, વિજય વાલજીભાઇ ધલવાણીયા અને વાલજી કપુરજી ચૌહાણનો સમાવેશ થાય છે. પોલીસે પટમાંથી .૩૫,૭૦૦ ની રોકડ કબજે આ શખસો સામે જુગારધારની કલમ હેઠળ ગુનો નોંધી કાયદેસરની કાર્યવાહી કરી હતી..