કેન્દ્રશાસિત પ્રદેશ દમણમાં ચોરીની એક મોટી ઘટના બની છે, જ્યાં મોટી દમણના ટંડેલ પરિવારના ઘરમાં ઘૂસેલા ચોરોએ આશરે 1 કરોડ રૂપિયાનું સોનું અને 8,000 યુકે પાઉન્ડની ચોરી કરી છે. ચોરોએ માત્ર ઘરમાં જ નહીં, પરંતુ ઘરની સામે આવેલા મંદિરમાં મૂકેલી દાનપેટી તોડી રોકડ રકમની પણ ચોરી કરી છે. આ ઘટનાએ દમણમાં ભયનો માહોલ સર્જી દીધો છે.

દમણ પોલીસે આ મામલે તાત્કાલિક કાર્યવાહી હાથ ધરી છે. વલસાડ એફએસએલ અને ડોગ સ્ક્વોર્ડની ટીમની મદદથી તપાસ શરૂ કરવામાં આવી છે. ચોરીના આ કેસમાં ગુનો દાખલ કરવામાં આવ્યો છે અને આરોપીઓને પકડવા માટે પોલીસ દ્વારા વિવિધ એંગલથી તપાસ ચાલી રહી છે.

ચોરીની ઘટનાથી ચકચાર:

આ ચોરીની ઘટનાએ દમણમાં ચકચાર મચાવી છે. ટંડેલ પરિવારના ઘરમાં થયેલી આ ચોરી અને મંદિરમાં દાનપેટી તોડવાની ઘટના ચોરોની હિંમત અને આયોજન શક્તિ દર્શાવે છે.