- ભારે વરસાદના પગલે પોલીસ તંત્રની નોંધપાત્ર જહેમત -

ખંભાળિયા શહેર નજીક આવેલા સલાયા મરીન પોલીસ મથક વિસ્તારમાં આવેલા જુદા જુદા સ્થળોએ છેલ્લા બે દિવસના ભારે વરસાદની પરિસ્થિતિમાં સ્થાનિક પોલીસ તંત્ર દ્વારા નોંધપાત્ર પ્રવૃત્તિઓ કરવામાં આવી હતી.

જેમાં સલાયા મરીન પી.આઈ. વી.એન. સીંગરખીયા દ્વારા સલાયા આસપાસના ગોઈંજ વિગેરે સ્થળોએ ભરાયેલા પાણી તેમજ કોઝવેના સ્થળોએ સ્ટાફ બંદોબસ્ત ગોઠવવામાં આવ્યો હતો. આટલું જ નહીં, પાણીમાં ફસાયેલા લોકોને સફળતાપૂર્વક બહાર કાઢવા તેમજ લોકોને સલામત સ્થળે પહોંચાડવાની આવકારદાયક કામગીરી કરી હતી. છેલ્લા બે દિવસ દરમિયાન સતત અને અવિરત રીતે પોલીસ સ્ટાફ દ્વારા કરવામાં આવેલી આ કામગીરી સરાહનીય બની રહી છે.