જામનગર શહેરમાં પોલીસે ચલણી નોટો ના નંબર પર જુગાર રમવા અંગે તેમ જ વરલી મટકા ના જુગાર અંગે જુદા જુદા બે સ્થળે દરોડા પાડ્યા છે, અને ત્રણ શખ્સોની અટકાયત કરી છે.
જામનગરમાં જુગાર અંગેનો પ્રથમ દરોડો બેડી વિસ્તારમાં પૂલ નીચે પાડવામાં આવ્યો હતો. જ્યાં જાહેરમાં ચલણી નોટો ના નંબર ઉપર એકી-બેકીનો જુગાર રમી રહેલા હાજી જુમાભાઇ મતવા અને ધર્મેન્દ્રસિંહ ભીખુભા પરમાર નામના રીક્ષા ચાલકની અટકાયત કરી લઇ તેઓ પાસેથી રૂપિયા ૪૯૦ ની રોકડ રકમ કબજે કરી છે.
જામનગરમાં જુગાર અંગેનો બીજો દરોડો લીમડા લાઈન વિસ્તારમાં પાડવામાં આવ્યો હતો. જ્યાં જાહેરમાં વરલી મટકાના આંકડા લખી પૈસાની હારજીત કરી રહેલા હુસેનમીયા ઈબ્રાહીમ મિયા કાદરી નામના રીક્ષાચાલકની અટકાયત કરી લઈ તેની પાસેથી રૂપિયા ૧,૦૯૦ ની રોકડ રકમ અને વરલી મટકા ના જુગારનું સાહિત્ય કબજે કર્યું છે.
***
ઓખામાં બે વર્લી પ્રેમી ઝડપાયા
ઓખા મંડળના મીઠાપુર તાબેના ઉદ્યોગનગર વિસ્તારમાં રહેતા ફૈઝલ હનીફ ખાન નામના ૩૦ વર્ષના શખ્સને પોલીસે જાહેરમાં વરલી મટકાનો જુગાર રમતા ઝડપી લીધો હતો. ઓખાના બર્માસલ ક્વાર્ટર વિસ્તારમાં રહેતા સહદેવસિંહ રાજેન્દ્રસિંહ જાડેજા નામના શખ્સને પણ પોલીસે વરલી મટકાનો જુગાર રમતા ઝડપી લીધો હતો.
***
જામનગર શહેરમાં એકી બેકીનો જુગાર
જામનગરમાં બેડી વિસ્તારમાં પૂલ નીચે જાહેરમાં ચલણી નોટોના નંબર ઉપર એકી-બેકીનો જુગાર રમી રહેલા એકડેએક બાપુ વિસ્તારમાં રહેતા હાજી જુમાભાઇ ખુરેશી અને રામનગરના ધર્મેન્દ્રસિંહ ભીખુભા પરમાર નામના રીક્ષા ચાલકની અટકાયત કરી લઇ તેઓ પાસેથી રૂપિયા ૪૯૦ની રોકડ રકમ કબજે કરી છે.