દેવભૂમિ દ્વારકા જિલ્લામાં કાયદો વ્યવસ્થા, જાહેર શાંતિ અને સલામતી જળવાઇ રહે તેમજ  કોઇ અનિચ્છનિય બનાવ બનવા ન પામે તે માટે અધિક જિલ્લા મેજીસ્ટ્રેટ, દેવભૂમિ દ્વારકા દ્વારા જાહેરનામું બહાર પાડવામાં આવ્યું છે.


જે મુજબ કોઇ પણ પ્રકારના શારીરિક ઈજા કરી શકાય તેવા શસ્ત્રો, ક્ષયકારી કે સ્ફોટક દારૂગોળો લઈ જવા પર, મનુષ્ય અથવા તેના શબ કે અન્ય આકૃતિઓ અથવા પુતળા દેખાડવા પર, અપમાન કરવાના ઇરાદાથી જાહેરમાં બિભત્સ સૂત્રો પોકારવા અને ટોળામાં ફરવા ઉપર, પથ્થરો કે ફેકી શકાય તેવી બીજી વસ્તુઓ અને ફેકવા કે ધકેલવાના યંત્રોની હેરફેર ઉપર પ્રતિબંધ લગાવાયો છે.


આ પ્રતિબંધો નિયમાનુસાર પરવાનગી ધરાવનારા વ્યક્તિઓને લાગુ પડશે નહીં. આ જાહેરનામું દેવભૂમિ દ્વારકા જિલ્લાના સમગ્ર વિસ્તારોમાં આજથી (તા.૦૧/૦૩/૨૦૨૫થી) તા.૩૦/૦૩/૨૦૨૫ સુધી અમલમાં રહેશે. જેનો ભંગ કરનાર શિક્ષાને પાત્ર થશે.