રાયોટીંગ અંગેની નોંધાવાતી પોલીસ ફરિયાદ

દ્વારકાના રૂપેણ બંદર વિસ્તારમાં એક ઠંડા પીણાની દુકાન પાસે એક્ટિવા પાર્ક કરવામાં આવતા અહીં ઓસમાણ ભેસલીયાનું રહેણાંક મકાન હોય અને તેને આ વાહન નડતું હોવાથી તે હટાવી લેવાનું કહેવા બાબતે બોલાચાલી કરી, ફરિયાદી ડેપાભા ઉર્ફે રાજ મેરૂભા ભગાડ (ઉ.વ. 21, રહે. ગોવાળિયા ધામ સામે, દ્વારકા) ઉપરાંત તેમની સાથે રહેલા સાહેદ પ્રવીણભા મોડભા માણેક વિગેરે ઉપર લોખંડના પાઈપ, લાકડાના ધોકા જેવા હથિયારો વડે હુમલો કરી, ઈજાઓ પહોંચાડવામાં આવી હતી.

આટલું જ નહીં, જાનથી મારી નાખવાની ધમકી પણ આપતા આ સમગ્ર પ્રકરણ અંગે રૂપેણ બંદર વિસ્તારમાં રહેતા આરોપી ઓસમાણ ભેસલીયા, ડાડુ ભેસલીયા, ઉમર ભેસલીયા, ઉપરાંત અન્ય ત્રણ પુરુષો અને બે મહિલાઓ સામે દ્વારકા પોલીસે ડેપાભા ઉર્ફે રાજ મેરૂભાની ફરિયાદ પરથી રાયોટિંગ સહિતની જુદી જુદી કલમ હેઠળ ગુનો નોંધી, આગળની કાર્યવાહી હાથ ધરી છે.