જામનગર મા ગોકુલ નગર સાંઢીયા પુલ નીચે થી દારૂ ભરેલ મોટરકાર ને પોલીસે ઝડપી પાડી હતી અને બે આરોપી ઓ ને ૨૪૧ નંગ.દારૂ ની બોટલ નાં જથ્થા સાથે પકડી લેવાયા હતાં.જ્યારે અન્ય ચાર ની સંડોવણી ખૂલવા પામી હતી.
જામનગર પોલીસ નાં સી ડિવિઝન પોલીસ સ્ટેશન નો સ્ટાફ પેટ્રોલિંગ મા હતો .ત્યારે દારૂ ની હેરાફેરી અંગે ની બાતમી મળી હતી.આથી પોલીસે વોચ ગોઠવી હતી.અને ગોકુલ નગર ,  સાંઢીયા પૂલ નીચે થી જી જે -૧૦ -સી એન. - ૦૪૬૩ નુંબર ની ફોર્ડ ફિગો મોટર કાર ને પોલીસે આંતરી હતી અને તલાશી લેતા તેમાં થી રૂ. ૧,૨૦,૫૦૦ ની કિંમત નો ૨૪૧ નંગ દારૂ નો જથ્થો મળી આવતા પોલીસે દારૂ સાથે મોટર કાર કબજે કરી અશ્વિન દેવાનંદભાઈ વસરા (રે. દેવરીયા તાં.ખંભાળિયા)  અને ભરત દેવાયતભાઈ કરમુર (રે. દરેડ તાં.જામનગર)  ને ઝડપી પાડ્યા હતા.
આરોપીઓ ની પૂછપરછ માં દારૂ નો આ જથ્થો બનાસકાંઠા ના જયંતિ ભૂરાભાઈ  ઠાકોરે સપ્લાય કર્યો હતો. જ્યારે જામનગરના યાદવ નગરમાં રહેતા સવદાસ ચાવડા એ દારૂ નો આ જથ્થો મંગાવ્યો  હતો.
આ ઉપરાંત મોટરકાર નું   પાઇલોટિંગ કરી રહેલા જીગ્નેશ માલદેભાઈ આંબલીયા (ગોકુલ નગર ) અને વિપુલ કાનાભાઈ ગોજીયા (દરેડ - જામનગર)  નાં પણ નામ ખુલવા પામ્યા હતાં.જે બંને પણ નાસી ગયા હતા.
પોલીસે અશ્વિન વસરા અને ભરત કરમુર ની  ધરપકડ કરી છે .જ્યારે અન્ય ચાર ની શોધ ખોળ  હાથ ધરી છે.અને અને તમામ છ સામે દારૂબંધી  નિયમ ભંગ બદલ ગુનો નોંધયો છે. આ કેસની તપાસ પોલીસ સબ ઇન્સ્પેક્ટર એસ એમ  સિસોદિયા ચલાવી રહ્યા છે.