જામનગરના યાદવનગર ક્રિષ્ના ચોક પાસે બોલેરો ગાડીના ચાલકે બેદરકારીથી ચલાવીને બાઇકને હડફેટે લઇ આધેડને ફ્રેકચર જેવી ઇજા પહોચાડી હતી.
બેડી બંદર રોડ તિરુપતી સાંઇરામ સોસાયટીમાં રહેતા અને ફ્રીજ, એસી રીપેરીંગનું કામ કરતા રાયદે સવાભાઇ લગારીયા (ઉ.વ.૫૧) નામના વૃઘ્ધ ગત તા. ૧૫ના રોજ પોતાનું મોટરસાયકલ નં. જીજે૧૦સીબી-૬૧૯૪ લઇને જતા હતા ત્યારે બોલેરો ગાડી નં. જીજે૨ઝેડઝેડ-૮૨૧૫ના ચાલકે યાદવનગર ક્રિષ્નાચોક પાસે પુરઝડપે અને બેદરકારીથી ચલાવી મોટરસાયકલ સાથે ભટકાડી હતી.
આ અકસ્માતમાં બાઇકચાલકને નીચે પછાડી દઇ સાથડના ભાગે ફ્રેકચર જેવી ઇજા પહોચાડી હતી આ અંગે રાયદેભાઇ દ્વારા સીટી-સી ડીવીઝનમાં બોલેરો ચાલક સામે ફરીયાદ નોંધાવી છે.