ખંભાળિયા તાલુકાના મોવાણ ગામે રહેતા અને એક સ્થળે નોકરી કરતા ફરિયાદી જગાભાઈ કરસનભાઈ વાઢીયાએ સ્ટાર હેલ્થ એલાઈડ ઇન્સ્યોરન્સ કંપની લિમિટેડમાંથી પોતાની તથા તેમના પરિવારના સભ્યો માટે હેલ્થ પોલિસી લીધી હતી. જે સંદર્ભે તેમણે કંપનીને રૂપિયા 1,50,314 નું બીમારી સબબના ખર્ચના બિલની રકમની માંગણી કરી હતી પરંતુ કંપનીએ રૂપિયા 99,043 ની રકમ મંજૂર કરી હતી. ત્યારે બાકીના રૂપિયા 51,271 ની રકમ ચૂકવી ન હતી. તેની સામે ફરિયાદીએ કંપની સામે જિલ્લા ગ્રાહક તકરાર નિવારણ કમિશન સમક્ષ ફરિયાદ દાખલ કરી હતી. આ સંદર્ભે ફરિયાદીના વકીલ અયુબ એ. મુન્દ્રા તથા નાસિર એ. મુન્દ્રા દ્વારા કરવામાં આવેલી દલીલો તેમજ પુરાવાઓને ધ્યાને લઈને ફરિયાદીને બાકી બિલ મુજબની રકમ રૂપિયા 51,271 તેમજ અરજીની તારીખથી 6 ટકા વ્યાજ સાથે ઉપરોક્ત રકમ ચૂકવી આપવા માટે હુકમ કર્યો છે.