જમ્મુ જિલ્લાના અખનૂર સેક્ટરમાં નિયંત્રણ રેખા (LoC) નજીક લાલોલી વિસ્તારમાં આજે એક IED વિસ્ફોટ થયો હતો. આ દુર્ઘટનામાં સેનાના બે જવાન શહીદ થયા હતા. અન્ય એક ઘાયલ સૈનિકની હાલત સ્થિર હોવાનું કહેવાય છે.

મળતી માહિતી મુજબ, મંગળવારે બપોરે લગભગ 3:50 વાગ્યે ભટ્ટલ વિસ્તારમાં સેનાના જવાનો પેટ્રોલિંગ કરી રહ્યા હતા ત્યારે અચાનક વિસ્ફોટ થયો હતો. વિસ્ફોટ એટલો જોરદાર હતો કે ઘટનાસ્થળે હાજર જવાનોને ગંભીર ઈજાઓ થઈ હતી.

સેનાના પ્રવક્તાએ જણાવ્યું હતું કે જ્યારે બ્લાસ્ટ થયો ત્યારે સૈનિકો પેટ્રોલિંગ કરી રહ્યા હતા. આ વિસ્તારને ઘેરી લેવામાં આવ્યો છે અને સર્ચ ઓપરેશન શરૂ કરવામાં આવ્યું છે. વ્હાઇટ નાઈટ કોર્પ્સે શહીદ સૈનિકોને શ્રદ્ધાંજલિ આપી છે.