લાલપુર તાલુકાના ભણગોર ગામમાં ફોજદારના ભાઇની થયેલ હત્યાના કેસમાં  સ્પે. પીપી તરીકે પુર્વ જીલ્લા સરકારી વકિલ બિમલભાઇ ચોટાઇની નિમણુંક કરવામાં આવી છે.

લાલપુર તાલુકાના ભણગોર ગામે ગત વર્ષમાં પાણીના ટેન્કરની વ્યવસ્થા અંગેની જુની અદાવતમાં વિરેન્દ્રસિંહ જાડેજા (ઉ.વ.27) નામના યુવાનની હત્યાના બનાવની ફરીયાદ નોંધાતા પોલીસે આરોપી તરીકે પોલીસમેન રાજદીપસિંહ ઉર્ફે પિન્ટુ જાડેજા તથા જગદીશસિંહ બહાદુરસિંહ અને કુંદનસિંહ રામભા સામે ગુનો નોંધયો હતો અને આગળની કાર્યવાહી કરી હતી.

આ કેસમાં હવે સરકારના કાયદા વિભાગ દ્વારા પુર્વ જીલ્લા સરકારી વકિલ બિમલભાઇ ચોટાઇની સ્પેશ્યલ પીપી તરીકે નિમણુંક કરી છે. ઉલ્લેખનીય છે કે અગાઉ જામનગરના ચકચારી એડવોકેટ હત્યા કેસમાં પણ ખાસ સરકારી વકિલ નિમાઇ ચુકયા છે આમ જામનગરના હત્યાના ત્રીજા કેસમાં ખાસ સરકારી વકિલની નિમણુંક થવા પામી છે.