રાજ્યમાં ઉનાળાએ પોતાનું રૌદ્ર સ્વરૂપ ધારણ કર્યું છે. આજે 27 એપ્રિલ 2026ના રોજ ગુજરાતના મોટાભાગના શહેરોમાં તાપમાનનો પારો ગગનચુંબી સપાટીએ પહોંચ્યો છે. હવામાન વિભાગ દ્વારા જારી કરાયેલા આંકડા મુજબ, રાજ્યના અનેક વિસ્તારોમાં 'યલો એલર્ટ' જેવી સ્થિતિ સર્જાઈ છે.

અમદાવાદ અને સૌરાષ્ટ્રમાં સૌથી વધુ ગરમી
આજે પણ અમદાવાદ 44.2°C તાપમાન સાથે રાજ્યના સૌથી ગરમ શહેરોમાં મોખરે રહ્યું છે. સૌરાષ્ટ્ર અને કચ્છના વિસ્તારોમાં પણ ગરમીએ હાહાકાર મચાવ્યો છે. ભુજમાં 43.8°C અને રાજકોટમાં 43.3°C તાપમાન નોંધાયું છે, જેના કારણે બપોરના સમયે રસ્તાઓ સુમસામ જોવા મળ્યા હતા.

​​​​​​​


દરિયાકાંઠાના વિસ્તારોમાં આંશિક રાહત
રાજ્યના અન્ય ભાગોમાં ભીષણ ગરમી છે, ત્યારે દરિયાકાંઠાના શહેરોમાં તાપમાન પ્રમાણમાં ઓછું નોંધાયું છે. દ્વારકા 32.3°C સાથે સૌથી ઠંડુ શહેર રહ્યું છે, જ્યારે વેરાવળમાં 32.9°C અને ઓખામાં 33.6°C તાપમાન રહેતા લોકોને ગરમીથી થોડી રાહત મળી છે.