પોરબંદરના બોખીરા વિસ્તારમાં વાછરાડાડાના મંદિર પાસે ભંગારના ડેલામાં  વિકરાળ આગ લાગી હતી. ફાયરજવાનોએ બે ફાયર ફાઇટરના માધ્યમથી આગ પર કાબુ મેળવ્યો હતો.
બનાવની વિગત એવી છે કે પોરબંદરના બોખીરા વિસ્તારમાં આવેલા વાછરાડાડાના મંદિર સામે ભંગારના ડેલામાં કોઇ કારણોસર સાંજના સુમારે આગ ભભૂકી ઉઠી હતી અને બનાવ અંગે ફાયરબ્રિગેડને જાણ કરવામાં આવતા પોરબંદર ફાયરબ્રિગેડની ટીમ તાત્કાલિક દોડી  ગઇ હતી અને ટાયરને કારણે ધુમાડો વધુ થતો હોવાથી બબ્બે ફાયર ફાઇટરો દ્વારા પાણીનો મારો ચલાવીને આગ પર કાબુ મેળવવામાં આવ્યો હતો. પોલીસની ટીમ પણ ઘટનાસ્થળે દોડી ગઇ હતી અને કયા કારણોસર આગ લાગી? તેની તપાસ હાથ ધરવામાં આવી છે.