જામજોધપુરમાંથી કાચ થી પાયેલા માંજા નું વેચાણ કરતા બે વિક્રેતાઓ પકડાયા

જામનગર જિલ્લાના કાલાવડ માંથી પ્લાસ્ટિકના દોરા નો વેચાણ કરી રહેલા એક વેપારી ની પોલીસ દ્વારા અટકાયત કરી લેવામાં આવી છે, જયારે જામજોધપુરમાંથી પ્રતિબંધિત કાચથી પાયેલા દોરા નું વેચાણ કરી રહેલા બે વિક્રેતાઓને પોલીસે ઝડપી લીધા છે.
કાલાવડમાં શીતલા કોલોની વિસ્તારમાં સીઝન સ્ટોર ચલાવતા લલિત બટુકભાઈ સોલંકી નામના વેપારીએ પોતાની દુકાનમાં ગેરકાયદે પ્લાસ્ટિકના દોરા નું વેચાણ ચાલુ રાખ્યું હોવાથી પોલીસે દરોડો પાડી તેની દુકાનમાંથી પ્લાસ્ટિકના દોરા સાથેની ચાર ચરખીઓ કબજે કરી લીધી છે, અને તેની સામે જિલ્લા કલેકટરના જાહેરનામાના ભંગ બદલ ગુનો નોંધ્યો છે.
આ ઉપરાંત જામજોધપુરમાં જકાતનાકા વિસ્તારમાંથી પ્રતિબંધિત કાચ થી પાયેલા માંજાનું વેચાણ કરી રહેલા બે વિક્રેતાઓ મયુર ધીરુભાઈ મકવાણા તેમજ મુકેશ સીદીભાઈ સોલંકી ને ઝડપી લીધા છે, અને તેઓ પાસેથી પ્રતિબંધિત ચરખી કબજે કરી લેવામાં આવી છે, અને તેઓ સામે પણ જિલ્લા કલેકટરના જાહેરનામાના ભંગ બદલ ગુનો નોંધવામાં આવ્યો છે.