જામનગરમાં દિગ્વિજય પ્લોટ શંકર ટેકરી વિસ્તારમાં સપ્તેશ્વર મહાદેવ શંકરના મંદિર ખાતેથી હિન્દુ સેના દ્વારા ડીજે સાથે રાજસ્થાનના અજયમેરુ માં આવેલ 800 વર્ષથી પણ વધુ પુરાણા સંકટ મોચન મહાદેવ શિવલિંગ રથને શિવરાત્રી દરમિયાન બપોરે 1:00 વાગ્યે ગુજરાત હિન્દુ સેનાના પ્રમુખ પ્રતિક ભટ્ટ તથા બી.જે.પી. ના કોર્પોરેટર જયંતીભાઈ ગોહિલ તેમજ કોર્પોરેટર હર્ષાબા પી. જાડેજા દ્વારા પ્રસ્થાન કરાવી શંકર ટેકરી ના મુખ્ય માર્ગો પર આ શોભાયાત્રા ફરી હતી. આ વિસ્તારને "બમ બમ બોલે... હર હર મહાદેવ"ના નાદથી શિવમય બનાવી દીધેલ હતો.

 શંકર ટેકરી વિસ્તારમાં શંકરટેકરી બાળ હિન્દુ સેનાના સૈનિકો દ્વારા એક રેકડીમાં વીરભદ્રનું રૂપ લઈ મુખ્ય માર્ગોમાં સાથે ફરી અને બપોરથી રાત્રિ દરમિયાન સિદ્ધનાથથી મુખ્ય શોભા યાત્રામાં પણ બંને રથો જોડાયા હતા. બાળ હિંદુસેના ના નાની ઉંમરના પાંચ વર્ષથી પણ નાના વીરભદ્ર સ્વરૂપનું રૂપ લઈ શણગાર સાથે રેકડીમાં યાત્રા દરમિયાન ફર્યા જે સંકટ ટેકરી વિસ્તાર તેમજ મુખ્ય રથયાત્રાનું આકર્ષણનું કેન્દ્ર બન્યું એટલું જ નહીં,  બાળ વીરભદ્રના સ્વરૂપ સાથે મોબાઇલમાં સેલ્ફી જોન બની ગયો હતો. સાથોસાથ યુવા સૈનિક ગૌરાંગ ભોજવાણી ના પીઠ પર શ્રી સંકટમોચન મહાદેવ ના મંદિર નું ડ્રોઈંગ કરેલ હતું જે પુરા રસ્તા પર ધૂમ મચાવી રહ્યું હતું.

શંકર ટેકરી રથપ્રસ્થાન વખતે આ વિસ્તારના આગેવાન અભયસંગભાઈ જાડેજા, બાલુભા જાડેજા, સિધ્ધરાજસિંહ રાઠોડ, જીગ્નેશ વશિયર સહિત અનેક આગેવાનો દ્વારા  સ્વાગત કરાયું હતું. શરૂઆતમાં મંદિરના જ વિસ્તારના મુન્નાભાઈ વશિયર,  ધર્મેન્દ્રભાઈ ગંઢા દ્વારા ઠંડા પ્રસાદીનું આયોજન કરેલ તેમજ રસ્તામાં જયસિંહ જાડેજા દ્વારા ડીજે પર ભોલેબાબા ના ગીતોથી સ્વાગત કર્યું, આગળ જતાં વિજય કોળી અને તેમની ટીમ દ્વારા ઠંડાપીણાનો કેમ્પ તેમજ પ્રસાદીનું આયોજન કરેલ ત્યારબાદ આગળ વધતા પાણીનો ટાંકો ભાણુભા ના ચોકમાં પણ પ્રસાદી સાથે ભવ્ય સન્માન થયું હતું અને અંતમાં શુભાસપરા શેરી નંબર એક ખાતે શોભા યાત્રા નું સ્વાગત તેમજ સૂકી ભાજીનું આયોજન હિન્દુ સેના શહેર પ્રમુખ દીપકભાઈ પિલ્લાઈ અને તેમની ટીમ દ્વારા થયેલ હતું.

આ યાત્રા માં ધર્મપ્રેમી ભાઈઓ બહેનો જોડાયા હતા. આ શોભાયાત્રામાં  કુલદીપ પંડ્યા, ભાવેશ ત્રિપલાણીના માં મોગલ  ડીજે પર હિન્દુ સેનાના સૈનિકોએ તલવારબાજી તેમજ હિન્દુ સેનાની બહેનોએ રાસ ગરબા થી વાતાવરણ શિવમય બનાવી દીધું હતું.

​​​​​​​