જમ્મુ-કાશ્મીરના પહલગામમાં આતંકવાદીઓએ પ્રવાસીઓના એક ગ્રુપ પર હુમલો કર્યો. આ દરમિયાન પ્રધાનમંત્રી મોદીએ ગૃહ મંત્રી સાથે વાત કરીને ઘટનાસ્થળે જવા માટે કહ્યું છે.

જમ્મુ અને કાશ્મીરના પહલગામમાં થયેલા આતંકવાદી હુમલામાં અત્યાર સુધીમાં 16 લોકોના મોતની પુષ્ટિ થઈ છે. આ હુમલામાં બે વિદેશી નાગરિકો પણ માર્યા ગયા છે, જેના કારણે સમગ્ર દેશમાં ચિંતાનું મોજુ ફરી વળ્યું છે. આ ઘટનાને પગલે દેશની રાજધાની દિલ્હી અને આર્થિક રાજધાની મુંબઈમાં એલર્ટ જાહેર કરવામાં આવ્યું છે. સુરક્ષા એજન્સીઓ કોઈપણ અનિચ્છનીય ઘટનાને ટાળવા માટે સતર્ક બની ગઈ છે અને તમામ સંવેદનશીલ વિસ્તારોમાં સુરક્ષા વધારી દેવામાં આવી છે. આ હુમલાની સખત શબ્દોમાં નિંદા કરવામાં આવી રહી છે અને પીડિતોના પરિવારો પ્રત્યે સંવેદના વ્યક્ત કરવામાં આવી રહી છે.

આતંકવાદી હુમલામાં બે વિદેશી નાગરિકોના મોત

પહલગામ આતંકવાદી હુમલામાં બે વિદેશી નાગરિકોના મોત થયા છે. આ લોકો નેપાળ અને યુએઈના હતા. બે થી ત્રણ આતંકવાદીઓએ 50 રાઉન્ડથી વધુ ફાયરિંગ કર્યું. સૂત્રોના જણાવ્યા અનુસાર આ હુમલામાં 28 લોકોના માર્યા જવાની આશંકા છે.

પહલગામ આતંકવાદી હુમલા વિરુદ્ધ કેન્ડલ માર્ચ

જમ્મુ-કાશ્મીરના કુપવાડામાં સ્થાનિક લોકોએ પહલગામ આતંકવાદી હુમલા વિરુદ્ધ કેન્ડલ માર્ચ કરીને વિરોધ દર્શાવ્યો.