ક્રિકેટ વર્લ્ડ કપ એક દિવસીય મેચની ટુર્નામેન્ટ છે. તેમજ ટેસ્ટ મેચ જે ૫ દિવસ સુધી રમાય છે. ટેસ્ટ મેચ તથ્યો સાથે જોડાયેલી કેટલીક બાબતો છે, જેના વિશે ભાગ્યે જ લોકો જાણતા હશે. પ્રથમ, ટેસ્ટ ક્રિકેટમાં ખેલાડીઓ સફેદ રંગ કેમ પહેરે છે અને બીજું, આ રમતમાં લાલ બોલનો ઉપયોગ કેમ થાય છે?

ટેસ્ટ ક્રિકેટના શોખીન લોકો આ રમતને લગતા તમામ નિયમો જાણતા હશે, પરંતુ આ રમતના ચાહકોમાં ઘણા એવા હશે જે નિયમો તો જાણતા હશે પરંતુ ટેસ્ટમાં સફેદ યુનિફોર્મ શા માટે તે જાણતા નથી. 

એક અહેવલા અનુસાર, લોર્ડ્સ ક્રિકેટ ગ્રાઉન્ડ ખાતે મેરીલેબોન ક્રિકેટ ક્લબના રિસર્ચ ઓફિસર નીલ રોબિન્સને કહ્યું કે ક્રિકેટની શરૂઆત ૧૮મી સદીમાં થઈ હતી અને તે સમયે લોકોએ ફક્ત તે જ કપડાંનો ઉપયોગ કરવો પડતો હતો જે સરળતાથી ઉપલબ્ધ હતા.

નીલે વધુમાં કહ્યું કે સફેદ પહેરવું એ સંપૂર્ણ રીતે વ્યવહારુ નિર્ણય હતો. કારણ કે ક્રિકેટ એ ઉનાળાની રમત હતી, આ કારણોસર, સફેદ રંગના કપડાં પહેરવામાં આવ્યા હતા જેથી તેઓ સૂર્યપ્રકાશને શોષી ન શકે અને મહત્તમ સૂર્યપ્રકાશને પ્રતિબિંબિત કરે. આ રીતે ખેલાડીઓનું સ્ટ્રેસ લેવલ ઓછું થશે અને તેઓ બેહોશ થયા વિના લાંબો સમય મેદાન પર રહી શકશે. બીજું કારણ એ હતું કે બ્રિટિશ લોકો માટે સફેદ રંગ રોયલ્ટી અને લાવણ્યનું પ્રતીક લાગતું હતું. આ કારણે તેણે રમતગમતમાં પણ સફેદ વસ્ત્રો પહેરવાનું શરૂ કર્યું.

હવે જ્યારે રમતમાં સફેદ રંગ શરૂ થયો ત્યારે દેખીતી રીતે જ બોલ સફેદ ન હોઈ શકે. શરૂઆતના દડા લાલ રંગના બનેલા હતા, આ જ કારણ છે કે ટેસ્ટ ક્રિકેટમાં લાલ દડાનો ઉપયોગ થવા લાગ્યો જેથી તે સફેદ કપડા પહેરેલા ખેલાડીઓમાં સરળતાથી જોઈ શકાય. આજકાલ ગુલાબી બોલનો પણ ઉપયોગ થઈ રહ્યો છે. જ્યારે રાત્રે મેચો રમવાનું શરૂ થયું, ત્યારે બોલનો રંગ બદલીને સફેદ કરવામાં આવ્યો, જેથી તે ઓછા પ્રકાશમાં પણ સરળતાથી જોઈ શકાય.