આજે વડોદરા સ્થિત હરણી તળાવમાં એક મોટી દુર્ઘટના સર્જાઇ છે. પ્રવાસે ગયેલા વિદ્યાર્થીઓથી ભરેલી એક બોટ તળાવમાં પલટી મારી જતાં આ દુર્ઘટના સર્જાઇ છે. હાલની પ્રાથમિક માહિતી મૂજબ, બોટમાં ક્ષમતા કરવા વધુ વિદ્યાર્થીઓ બેસાડ્યા હોવાની માહિતી મળી છે. ફાયર ફાઈટર્સ અને એનડીઆરએફની ટીમ ઘટના સ્થળે રેસ્ક્યુ ઓપરેશન હાથ ધર્યું છે.


સૂત્રો મુજબ એક શિક્ષિકાએ જણાવ્યું કે આ બોટમાં અંદાજે ૩૦ જેટલા વિદ્યાર્થીઓ અને ૪ શિક્ષકો સવાર હતા. હાની માહિતી મુજબ બોટ પલટી જતાં એક વિદ્યાર્થીનું મોત થયું છે, જો કે આ આંકડો વધી શકે છે. દુર્ઘટનામાં સાત બાળકો ઇજાગ્રસ્ત થયા તેમજ ૫ વિદ્યાર્થી હજુ લાપતા હોવાનું સામે આવ્યું છે. ઘટનાની જાણ થતાં ફાયર ટીમ ઘટનાસ્થળે પહોંચી ગઇ છે. વિદ્યાર્થીઓને લાઇફ જેકેટ પહેરાવ્યા વગર બોટમાં બેસાડ્યા હોવાનું સામે આવ્યું.