આજે સવારે યુપી એસટીએફ અને પંજાબ પોલીસ દ્વારા સંયુક્ત ઓપરેશનમાં બબ્બર ખાલસા ઇન્ટરનેશનલ (BKI) અને ISI મોડ્યુલના સક્રિય આતંકવાદી, અમૃતસરના રહેવાસી, લાઝર મસીહની ધરપકડ કરવામાં આવી હતી.

પ્રાપ્ત માહિતી અનુસાર, ધરપકડ કરાયેલ આતંકવાદી બબ્બર ખાલસા ઇન્ટરનેશનલ (BKI)ના જર્મન સ્થિત મોડ્યુલના વડા સ્વર્ણ સિંહ ઉર્ફે જીવન ફૌજી માટે કામ કરે છે અને પાકિસ્તાન સ્થિત ISI ઓપરેટિવ્સ સાથે સીધા સંપર્કમાં છે.

3 સક્રિય હેન્ડ ગ્રેનેડ, 2 સક્રિય ડેટોનેટર જપ્ત
યુપી એસટીએફના જણાવ્યા અનુસાર, આતંકવાદી પાસેથી ગેરકાયદેસર હથિયારો અને વિસ્ફોટકો મળી આવ્યા છે. જેમાં 3 સક્રિય હેન્ડ ગ્રેનેડ, 2 સક્રિય ડેટોનેટર, 13 કારતૂસ અને 1 વિદેશી પિસ્તોલનો સમાવેશ થાય છે. આતંકવાદી પાસેથી ગાઝિયાબાદના સરનામાવાળું આધારકાર્ડ અને સિમકાર્ડ વગરનો મોબાઇલ ફોન પણ મળી આવ્યો છે. આ આતંકવાદી ગયા વર્ષે 24 સપ્ટેમ્બરના રોજ પંજાબમાં ન્યાયિક કસ્ટડીમાંથી ભાગી ગયો હતો.