ઈન્ડિયા એલાયન્સમાં સીટની વહેંચણીને લઈને ચાલી રહેલી તકરાર ઘટવાને બદલે વધી રહી છે. દિલ્હી, પંજાબ, યુપી અને પશ્ચિમ બંગાળ બાદ હવે બિહારમાં પણ સ્થાનિક પક્ષો કોંગ્રેસને તેમની અનુકૂળતા મુજબ સીટો આપવા તૈયાર નથી.

સૂત્રો પાસેથી મળતી માહિતી અનુસાર, બિહારમાં આરજેડીએ કોંગ્રેસને કહ્યું છે કે તેઓ સાથીપક્ષોને માત્ર 6 બેઠકો આપી શકે છે. આરજેડી અને જેડીયુ 17-17 સીટો પર ચૂંટણી લડવાની તૈયારી કરી રહ્યા છે. આરજેડીનું કહેવું છે કે તે સીપીઆઈ એમએલ અને સીપીઆઈ માટે 2 સીટો અને કોંગ્રેસ માટે 4 સીટો છોડી શકે છે.

યુપીમાં પણ સપા સાથે વાતચીત

બીજી તરફ ઉત્તર પ્રદેશમાં સમાજવાદી પાર્ટીએ કોંગ્રેસને કહ્યું છે કે તે તેમને માત્ર 8 સીટો આપી શકે છે. આ આઠ બેઠકોમાં બનારસ, લખનૌ જેવી બેઠકોનો સમાવેશ થાય છે. જ્યાં સપાની હાજરી વધુ જોવા મળતી નથી. છતાં પણ કોંગ્રેસ બંને રાજ્યોમાં તેના સાથી પક્ષો પાસેથી વધુ બેઠકોની અપેક્ષા રાખી રહી છે અને વાતચીત માટે વધુ પ્રયાસો કરી રહી છે.