ભારત, બાંગ્લાદેશ, થાઈલેન્ડ, મલેશિયા અને ઈન્ડોનેશિયા સાથે મળીને પશુ પક્ષીઓની હેરફેર અટકાવશે, મોટાભાગે સરીસૃપ વર્ગના પ્રાણીનો થાય છે તસ્કરી  

ભારત, બાંગ્લાદેશ, થાઈલેન્ડ, મલેશિયા અને ઈન્ડોનેશિયાએ પોતપોતાના પ્રદેશોમાં વન્યપ્રાણી તસ્કરી કરનારાઓ સામે ગુનાહિત ગુપ્ત માહિતી શેર કરીને અને નાણાકીય સંસાધનોના પ્રવાહને અટકાવીને સંકલિત કાર્યવાહીનું આયોજન કર્યું છે. સેન્ટ્રલ બ્યુરો ઑફ ઇન્વેસ્ટિગેશન અને ઇન્ટરપોલ દ્વારા વિદેશી પ્રજાતિઓની દાણચોરી પર બે દિવસીય બેઠક દરમિયાન, નિષ્ણાતોએ વિદેશી પ્રજાતિઓને એક જગ્યાએથી બીજા સ્થાને લઈ જવા માટે દાણચોરો દ્વારા ઉપયોગમાં લેવાતા ચાર માર્ગોની ઓળખ પણ કરી હતી.

અધિકારીઓએ જણાવ્યું હતું કે જાણવા મળ્યું છે કે આફ્રિકાથી દક્ષિણપૂર્વ એશિયા અને પછી ભારત અને ચીનમાં વિદેશી વન્યજીવોની દાણચોરી કરવા માટે દાણચોરો દ્વારા એર કાર્ગોનો સૌથી વધુ ઉપયોગ કરવામાં આવે છે. અધિકારીઓએ જણાવ્યું હતું કે બેઠક દરમિયાન ભાગ લેનારા દેશોમાં કરાયેલી જપ્તીઓનું વિશ્લેષણ કરવાનો નિર્ણય લેવામાં આવ્યો હતો, આંતરરાષ્ટ્રીય નેટવર્કને ઓળખવા અને તોડી પાડવાનો અને ઇન્ટરપોલની ક્ષમતાઓના ઉન્નત ઉપયોગ સાથે તેમના ફંડિંગ મામલે પણ તપાસ થશે. નિર્ણય લેવામાં આવ્યો હતો. આ ઉપરાંત કિંગપિન સામે સંકલિત કાર્યવાહીની યોજના બનાવવા માટે એક મિકેનિઝમ ગોઠવવામાં આવશે.

મલેશિયા અને ઇન્ડોનેશિયાથી થાઇલેન્ડ અને મ્યાનમાર સાથેની જમીની સરહદો દ્વારા ચીન સુધી, સાપ, કાચબા અને ઇગુઆના જેવા સરિસૃપને મલેશિયાથી થાઇલેન્ડ અને પછી ભારતમાં લઈ આવવામાં આવે છે. તેમણે કહ્યું કે આ ગેમ મ્યાનમાર સાથેની જમીની સરહદોનો ઉપયોગ કરીને થાઈલેન્ડથી ભારત સુધી ચાલે છે. અધિકારીઓએ જણાવ્યું હતું કે ૨૦૨૨ માં બહુવિધ એજન્સીઓ દ્વારા ભારતમાં ૫૦૦ થી વધુ જપ્ત કરવામાં આવ્યા હતા, જેમાં હૂલોક ગીબ્બોન્સ, વિદેશી કાચબો, ગરોળી, ઓટર, મૂર મકાક, શોર્ટ મોંગૂઝ, પિગ્મી માર્મોસેટ, ડસ્કી લીફ વાનર અને નાના અજગરનો સમાવેશ થાય છે.