આજે વર્ષ 2024ના પહેલા અને સૌથી લાંબા સૂર્યગ્રહણનું કાઉન્ટડાઉન શરૂ થઈ ગયું છે. સૂર્યગ્રહણને જ્યોતિષશાસ્ત્રમાં અશુભ ઘટના માનવામાં આવે છે, પરંતુ આ સૂર્યગ્રહણ અમેરિકા માટે શુભ સંકેત લઈને આવ્યું છે.જો કે આ સૂર્યગ્રહણ ભારતમાં દેખાવાનું નથી. આજે પૃથ્વી પર એક ખૂબ જ રહસ્યમય ખગોળીય ઘટના બનવા જઈ રહી છે.થોડા કલાકો બાદ પૃથ્વીથી 15 કરોડ કિલોમીટરના અંતરે હાજર સૂર્યના તરંગો ગ્રહણ થવા જઈ રહ્યા છે. થોડા કલાકો પછી ચંદ્ર સૂર્યના કિરણોને શોષી લેશે. દિવસ દરમિયાન અંધકાર રહેશે. લગભગ સાડા ચાર કલાકના આ કુલ સૂર્યગ્રહણ દરમિયાન પૃથ્વી પર એક વિચિત્ર હલચલ જોવા મળશે. જ્યાં ભારતમાં સૂર્યગ્રહણને સામાન્ય રીતે અશુભ માનવામાં આવે છે. સાત સમુદ્ર પાર અમેરિકામાં આને લઈને વિચિત્ર સ્થિતિ છે. અમેરિકામાં કરોડો લોકો 8 એપ્રિલની આતુરતાથી રાહ જોઈ રહ્યા છે. જ્યારે ચંદ્ર થોડી ક્ષણો માટે સૂર્યને સંપૂર્ણપણે ઢાંકી દેશે. 4 કલાક 25 મિનિટનું આ સૂર્યગ્રહણ છેલ્લા 50 વર્ષમાં સૌથી લાંબુ સૂર્યગ્રહણ હશે. અમેરિકામાં લોકો આ ખગોળીય ઘટનાના દિવાના બની રહ્યા છે. તેની પાછળનું કારણ એ છે કે આગામી 20 વર્ષમાં આટલું લાંબુ અને સ્પષ્ટ સૂર્યગ્રહણ અમેરિકામાં નહીં થાય. આ જ કારણ છે કે લોકો તેને નજીકથી જોવા માંગે છે, અનુભવવા માંગે છે.

ઇલિનોઇસ, ઇન્ડિયાના, મિશિગન, અરકાનસાસ, ટેનેસી, કેન્ટુકી, ઓહિયો, પેન્સિલવેનિયા, ન્યુયોર્ક, વર્મોન્ટ, ન્યુ હેમ્પશાયર, મેઈન અમેરિકાના એવા શહેરો છે જ્યાં સંપૂર્ણ સૂર્યગ્રહણ જોવા મળશે. આ શહેરોમાં લગભગ સાડા ચાર કલાક સુધી દિવસ રાતમાં ફેરવાઈ જશે. જ્યારે 8મી એપ્રિલે આ શહેરોમાં સંપૂર્ણ સૂર્યગ્રહણ જોવા મળશે, ત્યારે લાખો લોકો તેના સાક્ષી બનશે અને આ અમેરિકામાં ગ્રહણ બિઝનેસનું સૌથી મોટું કારણ બની ગયું છે. આવું સૂર્યગ્રહણ વર્ષ 2016માં પણ થયું હતું, પરંતુ તે એટલું લાંબુ નહોતું. જો કે સૂર્યનું ક્રોમોસ્ફિયર સ્પષ્ટ દેખાતું હતું.

સૂર્યગ્રહણના કારણે અમેરિકાના ઘણા શહેરોમાં હોટલની માગ 1200 ગણી વધી ગઈ છે. ટ્રાન્સપોર્ટ કંપ્નીઓએ ગ્રહણના સ્થળો માટે ખાસ પેકેજ જારી કયર્િ છે. ઘણા શહેરોમાં સારી હોટેલમાં રૂમનું ભાડું 120 છે, જ્યારે 8 એપ્રિલે રૂમનું ભાડું 1585 સુધી પહોંચી ગયું છે. પાથ ઓફ ટોટાલિટીમાં સ્થિત શહેરોમાં એરબીએનબીની 90 ટકા હોટલ બુક કરવામાં આવી છે. ઈન્ટરનેટ પર એરબીએનબી હોટલની શોધમાં 1000 ગણો વધારો થયો છે.