જૂનાગઢ એલસીબીએ માંગરોળના મનખેત્રા નજીક સિરામિક ના ગોડાઉનમાં દરોડો પાડી ૧૩.૩૦ લાખના  ૮૨૯૨ વિદેશી દારૂની બોટલ વાહન અને મોબાઈલ મળી ૨૯.૩૮ લાખના મુદ્દામાલ સાથે ત્રણ બુટલેગરોને ઝડપી લીધા હતા જ્યારે પૂછપરછ દરમિયાન વધુ છ શખ્સો ના નામ ખુલ્યા હતા. 

જૂનાગઢના ગાંધીગ્રામ માં રહેતા રવિ હમીર ભરાઈ, દેશુર જેસા કરમટા, મેરા પરબત શામળા એ ભાગીદારીમાં દારૂનો જથ્થો મંગાવી માનખેત્રા ગામ પાસે આવેલ પિયુષ હરી ખેરના સીરામીક હબના ગોડાઉનમાં દારૂનું કટીંગ કરવાની તૈયારીમાં હતા ત્યારે એલ સી બી એ દરોડો પાડી ૧૩.૩૦ લાખના  ૮૨૯૨ વિદેશી દારૂ ઝડપી લીધો હતો. ત્રણ બુટલેગરો ઉપરાંત પોલીસે મેટાડોર, જીપ, ચાર મોબાઈલ  મળી ૨૯.૩૮ લાખનો મુદ્દા માલ કબજે કરી પૂછપરછ હાથ ધરી હતી જેમાં દેવરાજ ઉર્ફે હેમકુ રાડા, દેશુર જેસા કરમટા, મેરા પર્વત શામળા, રાજુ ખેતા કરમટા, મના કારા કટારા અને રામા ચોપડાનું નામ ખુલ્યું હતું પોલીસે છ આરોપીને ઝડપી લેવા ચક્રો ગતિમાન કર્યા છે.