ઓનલાઈન વેબસાઈટ પરથી ખરીદીમાં નોંધપાત્ર વધારો થયો છે. જ્યાં એક દાયકા પહેલા માત્ર થોડા લોકો જ ઓનલાઈન પ્લેટફોર્મ પરથી સામાન મંગાવતા હતા, હવે છેલ્લા કેટલાક વર્ષોમાં ઈ-કોમર્સ વેબસાઈટ દ્વારા ઘણી ખરીદી થઈ રહી છે. એમેઝોન, ફ્લિપકાર્ટ એવી કેટલીક વેબસાઇટ્સ છે જે દરરોજ લાખો માલના ઓર્ડર મેળવે છે. પહેલા સામાન ચાર-પાંચ દિવસમાં ઘરે પહોંચાડવામાં આવતો હતો, હવે ઘણી કંપનીઓએ એક જ દિવસે અથવા થોડીવારમાં સામાન પહોંચાડવાનું શરૂ કરી દીધું છે, પરંતુ એક એવી ઘટના સામે આવી છે જેણે બધાને આશ્ચર્યચકિત કરી દીધા છે.
એક યુવકે છ વર્ષ પહેલા ઈ-કોમર્સ પ્લેટફોર્મ ફ્લિપકાર્ટ પરથી અમુક સામાનનો ઓર્ડર આપ્યો હતો, જે હજુ સુધી પહોંચાડવામાં આવ્યો ન હતો, પરંતુ છ વર્ષ પછી અચાનક તેને ફ્લિપકાર્ટ પરથી ઓર્ડર અંગે ચર્ચા કરવા માટે ફોન આવ્યો. મુંબઈના અહેસાન ખરબાઈ સાથે આ ચોંકાવનારી ઘટના બની છે. અહસાને દાવો કર્યો છે કે તેણે મે 2018માં સ્પાર્ક્સ કંપની પાસેથી ચપ્પલ મંગાવ્યા હતા, પરંતુ તે ક્યારેય તેને ડિલિવર કરવામાં ન આવ્યા. આટલા વર્ષોની રાહ જોયા બાદ આખરે ફ્લિપકાર્ટના કસ્ટમર કેરે તેનો સંપર્ક કર્યો, જેનાથી તે આશ્ચર્યચકિત થઈ ગયો.
યુવકે સોશિયલ મીડિયા પ્લેટફોર્મ 'X' પર પોતાનો અનુભવ શેર કર્યો છે અને ઓર્ડર હિસ્ટ્રીનો સ્ક્રીનશોટ પણ પોસ્ટ કર્યો છે. તેણે 16 મે 2018ના રોજ સ્પાર્કસ કંપની પાસેથી ચપ્પલ મંગાવ્યા હતા જેની કિંમત રૂ. 485 હતી. ઓર્ડર 19 મેના રોજ મોકલવામાં આવ્યો હતો, પરંતુ 20 મેના રોજ ડિલિવરી કરવાનો હતો, જે આજ સુધી પહોંચ્યું નથી. અત્યાર સુધી આ ઓર્ડર નોન ડિલીવરેબલ તરીકે દર્શાવાતો હતો.
ગ્રાહક અહેસાને કહ્યું કે તેને ક્યારેય ચંપલ મળ્યા નથી, પરંતુ તે હંમેશા એપ પર દેખાતું હતું કે તે આજે ડિલિવર કરવામાં આવશે, પરંતુ તે આવી નહિ. એપ પર હજુ પણ એ જ સ્ટેટસ જોવા મળે છે. તેણે ટ્વિટર પર લખ્યું, "છ વર્ષ પછી, ફ્લિપકાર્ટે મને ફોન કર્યો અને પૂછ્યું કે ઓર્ડરને લગતી કઈ સમસ્યાનો સામનો કરવો પડી રહ્યો છે કે કેમ ?. આના જવાબમાં એક યુઝરે મજાકમાં કહ્યું કે શક્ય છે કે તમે ઈન્ટરનેટ એક્સપ્લોરર દ્વારા ઓર્ડર આપ્યો હશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજ્યના મામલતદાર કક્ષાના ક્લાસ-2 અધિકારીઓની કરાઈ બદલી, જાણો કયા જિલ્લામાં કોણ મૂકાયા...
July 02, 2024 12:02 AMઠંડુ અને ગરમ પાણી મિક્સ કરીને પીવાની આદત હોય તો ચેતજો, થઈ શકે છે ગંભીર નુકશાન
July 01, 2024 11:56 PMપ્રભાસની 'કલ્કી 2898 એડી'એ વિદેશમાં તોડ્યો કિંગ ખાનનો મોટો રેકોર્ડ
July 01, 2024 11:48 PMસફેદ કે કાબરચીતરા વાળ થઈ જશે કાળા ભમ્મર, બસ આ રીતે કરો કેરીનો ઉપયોગ
July 01, 2024 11:42 PMCopyright © 2023-2024 Aajkaal Daily
Developed by Rhythm Infotech