આ દિવસોમાં દેશ અને દુનિયામાં કિડનીનું કેન્સર દિવસેને દિવસે ખૂબ જ ઝડપથી વધી રહ્યું છે. એક રિપોર્ટ અનુસાર, 2040 સુધીમાં તે મૃત્યુનું 5મું સૌથી મોટું કારણ બની શકે છે. કિડની કેન્સર એ પુરુષો અને સ્ત્રીઓમાં દસમું સૌથી સામાન્ય કેન્સર છે તેથી, કિડનીને સ્વસ્થ રાખવાની રીતો વિશે જાગૃતિ ફેલાવવા માટે દર વર્ષે જૂન મહિનામાં વિશ્વ કિડની કેન્સર દિવસ ઉજવવામાં આવે છે. 

કિડનીનું કેન્સર કિડનીમાં શરૂ થાય છે, જે લગભગ મુઠ્ઠી જેટલી હોય છે. તે કરોડરજ્જુની બંને બાજુઓ પર હોય છે. પુખ્ત વયના લોકોમાં, રેનલ સેલ કાર્સિનોમા એ કિડનીના કેન્સરનો એક પ્રકાર છે. આ સિવાય નાના બાળકોમાં વિલ્મ્સ ટ્યુમર થવાની શક્યતાઓ વધુ હોય છે.
​​​​​​​

કિડની કેન્સરના લક્ષણો

 પેશાબમાં લોહી,
 પીડા અથવા કમરમાં ગઠ્ઠાની લાગણી
 ભૂખ ન લાગવી,
 વજનમાં ઘટાડો
 અનિયમિત તાવ
 એનિમિયા
 થાકી જવું

ધૂમ્રપાન ન કરનારાઓ કરતાં ધૂમ્રપાન કરનારાઓને વધુ જોખમ હોય છે, જો તમારા પરિવારમાં કોઈ કેન્સર હિસ્ટ્રી હોય તો, કિડનીના કેન્સરનું જોખમ પણ વધે છે, જો તમે મેદસ્વી છો અથવા શરીરનું વજન વધારે છે, તો તેમને કિડનીનું કેન્સર થવાની સંભાવના વધારે છે. જે લોકો હાઈ બ્લડ પ્રેશરથી પીડાય છે તેમને પણ કિડનીના કેન્સરનો ખતરો રહે છે.

કિડનીના કેન્સરથી બચવા, શરીરનું વજન જાળવી રાખો, નિયમિત કસરત કરો અને જો તમને બ્લડપ્રેશર હોય તો તેને નિયંત્રિત કરો. નિયમિતપણે દવાઓ લો, જો કોઈ ફેમેલી કેન્સર હિસ્ટ્રી હોય તો તમારે છ મહિના અથવા એક વર્ષ પછી નિયમિત તપાસ કરાવવી જોઈએ. જેથી કિડનીના કેન્સરનું સમયસર નિદાન થઈ શકે. જો કિડનીનું કેન્સર ચાર સેન્ટિમીટર અથવા સાત સેન્ટિમીટરથી નાનું હોય તો તે ગાંઠને દૂર કરીને કિડનીને બચાવી શકાય છે. આજકાલ આ ઓપરેશન રોબોટિક ટેક્નોલોજી દ્વારા કરવામાં આવે છે જેથી તમારી કિડની બચાવી શકાય.