થોડા દિવસો પહેલા રવિના ટંડનનો એક વીડિયો વાયરલ થયો હતો જેમાં એક્ટ્રેસ અને તેનો ડ્રાઈવર ભીડથી ઘેરાયેલા હતા. રવીના તેમાં કહેતી પણ જોવા મળી હતી કે પ્લીઝ મારો નહિ, તેણી તેના ડ્રાઇવરને ભીડથી બચાવતી પણ જોવા મળી હતી, જેના પર કેટલાક લોકોએ તેની કાર સાથે તેને ટક્કર મારવાનો આરોપ લગાવ્યો હતો. આ મામલે ઘણી વાતો કરવામાં આવી હતી, પરંતુ હવે અભિનેત્રી અને ડ્રાઈવરને આ અંગે ક્લીનચીટ મળી ગઈ છે.

તે જગ્યાના સીસીટીવી ફૂટેજ મુજબ 1 જૂને રવિનાની કારથી કોઈને ઈજા થઈ ન હતી. પોલીસે પુષ્ટિ કરી છે કે રવિનાનો ડ્રાઈવર ઝડપથી ગાડી ચલાવતો ન હતો. હકીકતમાં, તે કારને બંગલાની બહાર પાર્ક કરવા માટે રિવર્સ કરી રહ્યો હતો ત્યારે ત્રણ મહિલાઓ અને એક પુરુષ, જેઓ માનતા હતા કે તેને ટક્કર મારી હશે, તેની સાથે લડવા આવ્યા. એટલું જ નહીં, રવીના નશામાં હતી અને તેની પર હુમલો કર્યો હોવાના ફરિયાદીના ખોટા આરોપોથી વિપરીત, પોલીસે પુષ્ટિ કરી છે કે અભિનેત્રી કે તેનો ડ્રાઇવર નશામાં હતા નહિ.

સીસીટીવી સિવાય, તે સમયે સ્થળ પર હાજર પોલીસ અને નજરે જોનારા સાક્ષીઓએ પણ સ્પષ્ટ કર્યું છે કે રવિના નશાની હાલતમાં નતી. રવીનાની પ્રોફેશનલ લાઈફની વાત કરીએ તો તે છેલ્લે કર્મા કોલિંગમાં જોવા મળી હતી. આ સીરીઝમાં રવિનાના અભિનયની ખૂબ પ્રશંસા કરવામાં આવી હતી. હવે લોકો બીજી સીઝનની આતુરતાથી રાહ જોઈ રહ્યા છે.