તાજેતરમાં, હરિદ્વારના આવા ઘણા વીડિયો સોશિયલ મીડિયા પર વાયરલ થયા હતા, જેમાં કાર ગંગાના મોજામાં તરતી જોવા મળી હતી. એ મોજાઓને જોઈને એવું લાગતું હતું કે જો કોઈ તેમાં ફસાઈ જાય તો તેના માટે જીવતા બચવું મુશ્કેલ બની જશે. ભારે વરસાદના કારણે આવી સ્થિતિ સર્જાઈ હતી. પરંતુ ગંગાના આ મોજા કરતાં દરિયાના મોજા વધુ ખતરનાક હોય છે. ઘણી વખત આ મોજા નજીકમાં નહાતા લોકોને પોતાની તરફ ખેંચે છે. આવી સ્થિતિમાં, કલ્પના કરો કે જો કોઈ તેની કાર સાથે આ મોજામાં ફસાઈ જાય તો શું થશે. સમુદ્ર ચોક્કસપણે તેને તાણી જશે. પરંતુ કેટલીકવાર લોકોનું નસીબ સારું હોય છે. હાલમાં જ દરિયામાં સ્કૂટર સવારીનો એક વીડિયો સોશિયલ મીડિયા પર વાયરલ થઈ રહ્યો છે.

તેને ઇંસ્ટાગ્રામ પર શેર કરવામાં આવ્યું છે, જેમાં જોઈ શકાય છે કે હેલ્મેટ પહેરેલી વ્યક્તિ ઈલેક્ટ્રિક સ્કૂટર લઈને દરિયામાં પ્રવેશી છે, અને થોડી જ વારમાં એક જગ્યાએ મોજા અથડાવાને કારણે માણસનું સ્કૂટર લપસી ગયું, પણ છતાં તે યુવક અટક્યો નહીં. પોતાના ઇલેક્ટ્રિક સ્કૂટર સાથે આગળ વધતો રહ્યો. એકવાર તે સમુદ્રની અંદર સંપૂર્ણપણે ડૂબી ગયો. તેમ છતાં તે આગળ જવા માંગતો હતો. પણ પછી તેની નજર ઊંચા મોજા પર પડી અને તેણે તરત જ સ્કૂટર ફેરવ્યું. પરંતુ મોજાના દબાણમાં સ્કૂટર આવી ગયું. 
​​​​​​​

માણસનો પગ સ્કૂટરમાં ફસાઈ ગયો, જો કે યુવકના નસીબ સારા કહેવાય કે આ બાદ પણ તેણે પોતાની ગાડીને પાણીની નીચેથી સીધી ઊભી કરી અને દરિયામાંથી બહાર આવી ગયો. જો કે, તે ઇલેક્ટ્રિક વાહન હોવાથી, તે પાણીની નીચે પણ ચાલતું રહ્યું, પરંતુ વ્યક્તિની ઓળખ જાહેર થઈ શકી નથી. તેણે હેલ્મેટ પહેર્યું હતું, જેનાથી તેના વિશે કંઈપણ બહાર આવ્યું ન હતું. જો કે આ વીડિયો ભારતના કયા દરિયા કિનારેનો છે તે અંગેની માહિતી ઉપલબ્ધ નથી, પરંતુ તે ઈન્સ્ટાગ્રામ પર ધૂમ મચાવી રહ્યો છે. અત્યાર સુધીમાં આ વીડિયોને 1 કરોડ 49 લાખથી વધુ વખત જોવામાં આવ્યો છે, જ્યારે 3 લાખથી વધુ લોકોએ તેને લાઈક કર્યો છે. 28સોથી વધુ કમેન્ટ્સ મળી છે.