આઈસીસી અંડર-૧૯ વર્લ્ડ કપ ૨૦૨૪ તેના અંતિમ તબક્કામાં પહોંચી ગયો છે. આ ટુર્નામેન્ટની સેમીફાઈનલમાં ચાર ટીમોએ પોતાનું સ્થાન બનાવી લીધું છે. ટૂર્નામેન્ટની ૩૮મી મેચ ઈંગ્લેન્ડ અને ઝિમ્બાબ્વે વચ્ચે રમાઈ હતી. જેમ એક બેટ્સમેનને વિકેટકીપરને બોલ સોંપવો મોંઘો પડી ગયો. કેમ કે અમ્પાયરે 'ઓબ્સ્ટ્રકટિંગ ધ ફીલ્ડ' હેઠળ તેને આઉટ આપી દીધો હતો.

દરમિયાન મેદાન પર એક અનોખો નજારો જોવા મળ્યો હતો. આ મેચમાં ઈંગ્લેન્ડના બેટ્સમેન હમઝા શેખને અટવાયેલા બોલને ઉપાડવામાં અને વિકેટકીપરને આપવામાં પેવેલિયન પરત ફરવાની નોબત આવી હતી. હમઝા શેખ 'ઓબ્સ્ટ્રક્ટિંગ ધ ફિલ્ડ'નો શિકાર બન્યો હતો. આ ઘટના ઈંગ્લેન્ડની ઈનિંગની ૧૭મી ઓવર દરમિયાન બની હતી. બેટિંગ કરી રહેલા હમઝા શેખે બોલ ઉપાડ્યો અને વિકેટકીપરને આપવાનો પ્રયાસ કર્યો. સોશિયલ મીડિયા પર વાયરલ થઈ રહેલા વીડિયોમાં હમઝા શેખ બોલ ઉપાડીને વિકેટકીપરને પકડતો જોઈ શકાય છે, પરંતુ આ દરમિયાન ઝિમ્બાબ્વેનો વિકેટકીપર રેયાન કામવેમ્બા અપીલ કરે છે, જેના પછી હમઝા શેખ આઉટ થઈ ગયો છે. જોકે, આ મામલે ફિલ્ડ અમ્પાયરે થર્ડ અમ્પાયરની મદદ લીધી, જે બાદ હમઝા શેખને આઉટ જાહેર કરવામાં આવ્યો હતો.