સાયબર છેતરપિંડી કરનારાઓ લોકોને છેતરવા માટે અલગ-અલગ અને અનોખી રીતો ઘડી રહ્યા છે. હવે તેમણે એક નવી જ નીતિ બનાવી છે. જેમાં સ્કેમર્સ નકલી ફિંગરપ્રિન્ટ બનાવીને નિર્દોષ લોકોના બેંક ખાતા ખાલી કરે છે. આ વર્ષે બિહાર પોલીસે સ્પેશિયલ ઇન્વેસ્ટિગેશન ટીમની રચના કરી હતી. આ પછી, બે લોકોની ધરપકડ કરવામાં આવી હતી, જેમની પાસેથી ૫૧૨ ક્લોન કરેલા ફિંગરપ્રિન્ટ્સ મળી આવ્યા હતા. આ નકલી થમ્બ ઇમ્પ્રેશન પ્લાસ્ટિકના અંગૂઠા પર બનાવવામાં આવ્યા હતા. સ્કેમર્સ ઓછા ભણેલા લોકોને ટાર્ગેટ કરવા અને આધાર સક્ષમ પેમેન્ટ સિસ્ટમનો ઉપયોગ કરે છે.
​​​​​​​

આધાર સક્ષમ પેમેન્ટ સિસ્ટમ એપ વર્ષ ૨૦૧૪ માં શરૂ કરવામાં આવી હતી. આ સેવાનો ઉદ્દેશ્ય એવા ભારતીય લોકોને લાભ પહોંચાડવાનો હતો કે જેમની ગામમાં કે તેની આસપાસ કોઈ બેંકની શાખા નથી. તે લોકો આધાર સક્ષમ પેમેન્ટ સિસ્ટમ સેવાનો લાભ લઈ શકે છે અને નજીકના સાયબર કાફે અથવા જાહેર સુવિધા કેન્દ્ર પર જઈને પૈસા ઉપાડી શકે છે. સિસ્ટમમાંથી પૈસા ઉપાડવા માટે, વ્યક્તિએ ફક્ત આધાર કાર્ડ નંબર અને બાયોમેટ્રિક પ્રમાણીકરણનો ઉપયોગ કરવો પડશે, જેમાં થમ્બ અને આઇરિસ સ્કેનનો સમાવેશ થાય છે. આ પછી તે પોતાના બેંક ખાતામાંથી સરળતાથી પૈસા ઉપાડી શકશે. સાયબર ઠગ પણ આ સરળ પ્રક્રિયાનો ઉપયોગ કરે છે.

સાયબર ઠગ પીડિતોની ફિંગરપ્રિન્ટને ક્લોન કરવા માટે વિવિધ પદ્ધતિઓનો ઉપયોગ કરે છે. પોલીસ દ્વારા ધરપકડ કરાયેલા બે લોકોએ જણાવ્યું કે તેઓ ફિંગરપ્રિન્ટ્સનું ક્લોન કરવા માટે ગામલોકોની પાસે જાય છે. આ પછી, તેઓ તેને તાત્કાલિક લોન અથવા રેશન કાર્ડનું બહાનું આપતા, ત્યારબાદ તેઓ કોઈ રીતે તેના ફિંગરપ્રિન્ટ્સનું ક્લોન કરી લેતા હતા.