6⃣6⃣6⃣6⃣

The crowd here in Indore has been treated with Signature SKY brilliance! ??#TeamIndia | #INDvAUS | @IDFCFIRSTBank | @surya_14kumar pic.twitter.com/EpjsXzYrZN

— BCCI (@BCCI) September 24, 2023

ઈન્દોરમાં ભારત અને ઓસ્ટ્રેલિયા વચ્ચે રમાઈ રહેલી બીજી વનડેમાં શ્રેયસ ઐયરે સદી ફટકાર્યા બાદ શુભમન ગિલે શાનદાર સદી ફટકારી હતી. ગિલે 92 બોલમાં પોતાની સદી પૂરી કરી હતી. પરંતુ આ પછી છેલ્લી 10 ઓવરમાં બેટ્સમેન સૂર્યકુમાર યાદવે મેદાનમાં એન્ટર થતા સાથે જ તોફાન મચાવી દીધું છે. સૂર્યાએ આ સિક્સરની એક લાઈન ફટકારી છે. કેમરૂન ગ્રીનની એક જ ઓવરમાં 4 સિક્સર સુર્યાએ ફટકારી છે.

44મી ઓવરના પહેલા જ બોલથી સૂર્યાએ વાર કરવાનું શરૂ કરી દીધું હતું. ઓવરનો પહેલો બોલ બેક સ્ક્વેર લેગ પર સિક્સર ફટકારી હતી. ઓવરના બીજા બોલ પર પણ કંઈક આવું જ જોવા મળ્યું હતું. આ પછી ગ્રીને ઓવરનો ત્રીજો બોલ ઓફ સ્ટમ્પ પર ફેંક્યો હતો. આ બોલ પર સૂર્યાએ લોંગ ઓફ પર સિક્સર ફટકારી હતી. ત્યારબાદ સૂર્યાએ ડીપ મિડ-વિકેટ પર વધુ એક છગ્ગો ફટકાર્યો અને સતત ચોથી વખત બોલને મેદાનની બહાર ઊછળ્યો હતો.

આ ઓવરના પહેલા 4 બોલ પર સૂર્યાએ સિક્સર ફટકારી હતી. જે બાદ એવી આશા રાખવામાં આવી રહી હતી કે યુવરાજ સિંહની જેમ તે પણ સતત 6 સિક્સર ફટકારી શકે છે. પરંતુ આવું ન થયું. યુવરાજે 2007 T20 વર્લ્ડ કપમાં ઇંગ્લેન્ડ સામે સ્ટુઅર્ટ બ્રોડની ઓવરમાં સતત 6 છગ્ગા ફટકાર્યા હતા.