જામનગર તાલુકાના રાવલસર ગામમાં રહેતા એક ભરવાડ યુવાને કોઈ અગમ્ય કારણોસર ઝેરી દવા પી લઇ આત્મહત્યા કરી લીધી છે. જે મામલે સિક્કા પોલીસ વધુ તપાસ ચલાવે છે.

આ બનાવની વિગત એવી છે કે જામનગર તાલુકાના રાવલસર ગામમાં રહેતા, અને માલધારી તરીકે નો વ્યવસાય કરતા રાજુભાઈ બીજલભાઇ ટારિયા નામના ભરવાડ યુવાને ગઈકાલે સવારે પોતાના ઘેર કોઈ અગમ્ય કારણોસર ઝેરી દવા પી લઈ આપઘાતનો પ્રયાસ કરતાં તેને બેશુદ્ધ અવસ્થામાં સારવાર માટે જામનગરની જી.જી. હોસ્પિટલમાં ખસેડવામાં આવ્યો હતો, જયાં ટૂંકી સારવાર દરમિયાન તેનું મૃત્યુ નીપજયું છે.

આ બનાવ અંગ મૃતકના ભાઈ રવાભાઈ બીજલભાઇ એ પોલીસને જાણ કરતાં પોલીસે મૃતદેહનો કબજો સંભાળી વધુ તપાસ હાથ ધરી છે. સિક્કા પોલીસ આ મામલે વધુ તપાસ ચલાવે છે.