બરેલી દૌરાઈ સ્પેશિયલ ટ્રેનમાં પથ્થર થયાની ઘટના સામે આવી છે. જેમાં  ખતીમાથી બરેલી જતી ટ્રેન નંબર 05097 દૌરાઈ સમર સ્પેશિયલ ટ્રેનમાં માઝોલા સ્ટેશન નજીક બેકાબુ તત્વોએ પથ્થરમારો કર્યો હતો. પથ્થર કોચની સીટ પર વાગ્યો હતો, જેના કારણે સીટનું પ્લાયવુડ બોર્ડ પણ તૂટી ગયું હતું. ત્યારે એક મુસાફરે આ અંગે એક્સ પર ફરિયાદ કરી હતી.

ડીઆરએમ ઈજ્જતનગર રેલ મંડળ અને ડીજીપી યૂપી પોલીસના એક્સ એકાઉન્ટ પર પોસ્ટ કરતા ઈનામુલ કાદરીએ કહ્યું કે, તેઓ 05097 દૌરાઈ સમર સ્પેશિયલ ટ્રેનમાં મુસાફરી કરી રહ્યો હતો.  ઈનામુલે કહ્યું કે, ટ્રેન ખાતિમાથી બરેલી જવા રવાના થઈ હતી અને માઝોલા રેલવે સ્ટેશનને પાર કર્યા બાદ બદમાશોએ ટ્રેન પર પથ્થરો વડે હુમલો કર્યો હતો.

તીક્ષ્ણ પથ્થર વડે હુમલો

ઈનામુલના જણાવ્યા અનુસાર, હુમલો ધારદાર પથ્થર વડે કરવામાં આવ્યો હતો, જેના કારણે બારીનો પ્લાયવુડ પણ તૂટી ગયો હતો. તેણે લખ્યું કે, આ રીતે હુમલો કરનાર બદમાશની શોધ કરીને કાર્યવાહી થવી જોઈએ.

આ બાબતને ગંભીરતાથી લઈને ઈજ્જતનગર રેલવે ડિવિઝનના ડિવિઝનલ રેલવે મેનેજરની ઑફિસમાંથી આ મામલો આરપીએફ ઈજ્જતનગર રેલવે ડિવિઝનમાં ટ્રાન્સફર કરવામાં આવ્યો હતો.