ટીએમસીએ દાતાઓની ઓળખ ન કરી જાહેર : 16 જુલાઈ, 2018 અને 22 મે, 2019 વચ્ચે ચૂંટણી બોન્ડ દ્વારા પાર્ટીને મળ્યું  રૂ. 75 કરોડનું દાન

ગઈકાલે ચૂંટણી પંચે ઈલેક્ટોરલ બોન્ડ મામલે નવો ડેટા જાહેર કર્યો જેમાં 12 એપ્રિલ 2019 પહેલાના સમયગાળાની વિગતો આપવામાં આવી હતી. તૃણમૂલ કોંગ્રેસએ 2018-19ના ઈલેક્ટોરલ બોન્ડની માહિતીને લઈને ખૂબ જ વિચિત્ર ખુલાસો કર્યો છે. પાર્ટીએ દાવો કર્યો હતો કે અજાણ્યા વ્યક્તિઓએ કોલકાતામાં તેમની સંબંધિત ઓફિસમાં સીલબંધ પરબિડીયાઓ મૂકી ગયા હતા. જેના કારણે તેઓ દાન આપનારાઓના નામ અને સરનામા જાણી શક્યા નથી.


ટીએમસીએ દાતાઓની ઓળખ જાહેર કરી નથી જેમણે 16 જુલાઈ, 2018 અને 22 મે, 2019 વચ્ચે ચૂંટણી બોન્ડ દ્વારા સામૂહિક રીતે આશરે રૂ. 75 કરોડનું યોગદાન આપ્યું હતું. જેડીયુએ પણ ટીએમસી જેવો જ જવાબ આપ્યો છે. ટીએમસીએ 27 મે, 2019ના રોજ ચૂંટણી પંચને કરેલી અરજીમાં જણાવ્યું હતું કે આમાંના મોટાભાગના બોન્ડ તેની ઓફિસને અજ્ઞાત રીતે મોકલવામાં આવ્યા હતા. જે એમને ડ્રોપ બોક્સમાં અથવા ઓફિસમાં મળ્યા છે, જેનાથી ખરીદદારોના નામ અને વિગતોની ખાતરી કરવી તેમના માટે અશક્ય બને છે.



​​​​​​​ટીએમસીએ સૂચન કર્યું કે સ્ટેટ બેંક ઓફ ઈન્ડિયા દ્વારા જારી કરાયેલા ઈલેક્ટોરલ બોન્ડને તેમને સોંપવામાં આવેલા નંબરનો ઉપયોગ કરીને ઓળખી શકાય. પક્ષે સૂચવ્યું કે એસબીઆઈ, આ બોન્ડના એકમાત્ર જારીકર્તા તરીકે, બોન્ડધારકોની તમામ જરૂરી વિગતો ધરાવે છે, જેમાં તેમના કેવાયસી દસ્તાવેજો, પાન કાર્ડ, ઓળખનો પુરાવો, સરનામાનો પુરાવો અને બેંકની જરૂરિયાતો અનુસાર અન્ય દસ્તાવેજો પણ છે.