અનંત અંબાણી અને રાધિકા મર્ચન્ટની બીજી પ્રી-વેડિંગ પાર્ટીમાં ફરી એકવાર બોલિવૂડ સ્ટાર્સ જોવા મળ્યા હતા. જામનગર બાદ અંબાણી પરિવારે ઈટાલીમાં લક્ઝુરિયસ ક્રુઝમાં પાર્ટી કરી હતી. ચાર દિવસના આ સેલિબ્રેશનની કેટલીક તસવીરો અને વીડિયો સામે આવી રહ્યા છે. સિદ્ધાર્થ મલ્હોત્રા, કિયારા અડવાણી, જ્હાનવી કપૂર, શનાયા કપૂર અને અનન્યા પાંડે જેવા ઘણા સ્ટાર કિડ્સ અને બોલિવૂડ સ્ટાર્સની તસવીરો ઇન્ટરનેટ પર ધૂમ મચાવી રહી છે. દરમિયાન, હવે અનંત-રાધિકની બીજી પ્રી-વેડિંગ પાર્ટીમાંથી શાહરૂખ ખાનની તસવીરો અને વીડિયો સામે આવ્યા છે જે ઝડપથી વાયરલ થઈ રહ્યા છે. આ ફોટોઝમાં તમે કિંગ ખાનની એકદમ અલગ અને સ્ટાઇલિશ સ્ટાઈલ જોવા મળ્યો હતો.

અનંત-રાધિકાના પ્રી-વેડિંગમાં શાહરૂખ ખાનનો 'પઠાણ' લૂક જોવા મળ્યો હતો. આ તસવીરમાં તમે કિંગ ખાનને લાંબા વાળ અને ફ્રેન્ચ બ્રીડ સાથે જોશો. તેણે બ્લેક આઉટફિટ સાથે સફેદ રંગનો સ્ટોલ પહેર્યો છે. તેનો આ લુક ફિલ્મ 'પઠાણ'માં પણ જોવા મળ્યો હતો. આ તસવીરમાં તેની સાથે રણબીર કપૂર પણ જોવા મળી રહ્યો છે. રાહા કપૂરના પિતાનો ચોકલેટ બોય લુક લાંબા સમય પછી જોવા મળ્યો હતો.

આ તસવીરમાં શાહરૂખ ખાન અને રણબીર કપૂર સાથે અબરામ પણ જોવા મળી રહ્યો છે, પરંતુ તેનો ચહેરો દેખાતો નથી. વીડિયોમાં વરરાજા અનંત અંબાણી પણ જોવા મળ્યા હતા. અનંત અંબાણી અને રાધિકા મર્ચન્ટ 12 જુલાઈના રોજ લગ્ન કરવા જઈ રહ્યા છે. અનંત અને રાધિકાના લગ્ન સંપૂર્ણ પરંપરાગત હિંદુ વિધિથી થશે.