જમ્મુ-કાશ્મીરમાં સુરક્ષાદળોને મોટી સફળતા મળી છે. કુપવાડામાં સુરક્ષા દળોએ પાંચ વિદેશી આતંકવાદીઓને ઠાર કર્યા છે. સુરક્ષા દળોએ વિસ્તારને ઘેરી લીધો છે અને સર્ચ ઓપરેશન હજુ પણ ચાલુ છે.

જમ્મુ-કાશ્મીરમાં સુરક્ષાદળોને મોટી સફળતા મળી છે. સુરક્ષા દળો અને પોલીસે કુપવાડામાં તેમના સંયુક્ત ઓપરેશન દરમિયાન પાંચ વિદેશી આતંકવાદીઓને ઠાર માર્યા છે. સુરક્ષા દળોએ વિસ્તારને ઘેરી લીધો છે અને સર્ચ ઓપરેશન હજુ પણ ચાલુ છે. કાશ્મીર પોલીસના એડીજીપીએ કહ્યું કે સુરક્ષા દળોને અહીં આતંકવાદીઓ છુપાયા હોવાની માહિતી મળી હતી, ત્યાર બાદ આ ઓપરેશન હાથ ધરવામાં આવ્યું હતું. તેમણે જણાવ્યું કે વિસ્તારને કોર્ડન કરી લેવામાં આવ્યો છે અને હાલમાં સર્ચ ઓપરેશન ચાલી રહ્યું છે.

ખીણમાં મોટા આતંકવાદી હુમલા અંગે ઈનપુટ મળ્યા બાદ સુરક્ષા દળોને એલર્ટ પર રાખવામાં આવ્યા છે. જેથી આતંકવાદીઓ તેમના મનસૂબામાં સફળ ન થાય.જમ્મુ-કાશ્મીરમાં આતંકવાદીઓનો ખાત્મો થવાથી આતંકવાદીઓ બેચેન છે અને આ જ કારણ છે કે તેઓ સુરક્ષા દળો અને બિન-સ્થાનિક મજૂરોને નિશાન બનાવવાનું કાવતરું ઘડી રહ્યા છે. ગુપ્તચર એજન્સીઓએ જમ્મુ-કાશ્મીરમાં કેટલાક પાકિસ્તાની આતંકવાદીઓની હિલચાલ પર પણ નજર રાખી છે.

હાલમાં ઘાટીમાં સક્રિય આતંકવાદીઓની સંખ્યા 50ની આસપાસ છે. આ સિવાય ઘાટીમાં હાલમાં 20-24 વિદેશી આતંકીઓ છે. કેન્દ્રીય એજન્સીઓ અનુસાર 30-35 આતંકવાદીઓ સ્થાનિક છે અને બાકીના વિદેશી આતંકવાદીઓ છે. ગયા મહિને જ ડીજીપી દિલબાગ સિંહે કહ્યું હતું કે અમે આતંકની ઈકો સિસ્ટમને ચારે બાજુથી ઘેરી લીધી છે. ભલે તે પથ્થરબાજો પર કાર્યવાહી હોય કે અલગતાવાદીઓ પરની કાર્યવાહી હોય, ફાઇનાન્સરો પરની કાર્યવાહી હોય કે સરહદ પારથી ડ્રોન દ્વારા આવતા હથિયારો જપ્ત કરવાની હોય. પોલીસ અને સુરક્ષા દળોએ આતંકવાદને ઘણી હદ સુધી કાબૂમાં લેવામાં સફળતા મેળવી છે. જ્યાં વર્ષ 2017 થી જ્યારે આતંકવાદીઓની સંખ્યા 350 હતી, હવે તેમની સંખ્યા ઘટીને બે આંકડામાં આવી ગઈ છે.