રેગ્યુલેટર ડિરેક્ટોરેટ જનરલ ઓફ સિવિલ એવિએશન (DGCA) એ એક નિવેદન બહાર પાડ્યું છે કે તમામ એરલાઈન્સે એ સુનિશ્ચિત કરવું જોઈએ કે 12 વર્ષથી ઓછી ઉંમરના બાળકો ફ્લાઈટ દરમિયાન તેમના માતા-પિતા સાથે બેસે. રેગ્યુલેટર દ્વારા ફ્લાઇટ દરમિયાન બાળકોની સુરક્ષાને ધ્યાનમાં રાખીને આ પગલું લેવામાં આવ્યું છે.

ડીજીસીએએ જણાવ્યું હતું કે એરલાઈન્સે એ સુનિશ્ચિત કરવું જોઈએ કે 12 વર્ષ સુધીના બાળકોને તેમના માતા-પિતા/વાલીઓમાંથી ઓછામાં ઓછા એક સમાન પીએનઆર પર મુસાફરી કરવાની સાથે બેઠકો ફાળવવામાં આવે અને તેનો રેકોર્ડ રાખવામાં આવશે. ફરિયાદ બાદ DGCA દ્વારા આ પગલું લેવામાં આવ્યું છે. જ્યારે બાળકને તેના માતા-પિતા સાથે બેસવા દેવામાં આવતું ન હતું.

એરલાઇનને આ સેવાઓ માટે ચાર્જ લેવાની મળી પરવાનગી

આ સિવાય DGCAએ એરલાઈન્સને ઝીરો બેગેજ, પસંદગીની સીટ શેરિંગ, ભોજન, પીણાં અને સંગીતનાં સાધનો લઈ જવાની પરવાનગી આપી છે. આ માટે એર ટ્રાન્સપોર્ટ સર્ક્યુલર 01 2024માં પણ ફેરફાર કરવામાં આવ્યા છે.

DGCA એ સ્પષ્ટતા કરી છે કે આ સુવિધાઓ વૈકલ્પિક છે એટલે કે તમારી ઈચ્છા પર છે. આ બિલકુલ ફરજિયાત નથી. મુસાફરો માટે ઓટો સીટની સુવિધા પણ છે, જેમાં કંપની આપમેળે તમને સીટ આપે છે. આવી સ્થિતિમાં, તે તમામ મુસાફરો કે જેમણે ચેક ઇન દરમિયાન તેમની બેઠકો લીધી ન હોય. એરલાઇન દ્વારા તેમને આપોઆપ સીટ ફાળવવામાં આવશે.