આ કેસની ટૂંક હકીકત મુજબ, 16 વર્ષ 6 માસની સગીર વયની દિકરી લગ્ન કરવાની લાલચ આપી, પટાવી, ફોસલાવી બદનામ કરવાના ઈરાદે ભગાડી જઈ લગ્ન કરવાની લાલચ આપી ભગાડી ગયાની માતાએ ગત તારીખ ૧૯/૦૨/૨૦૨૨ના રોજ ફરિયાદ નોંઘાવેલી હતી. જેથી આ કામના આરોપી હાર્દિક ઉર્ફે કાનો રાજેશભાઈ કાચરોલાને પોલીસે ગઇ તા. ૧૫/૦૫/૨૪ના રોજ પકડી પાડી તપાસમાં સગીરા સાથે અવાર નવાર શરીર સંબંધ બાધી ભોગબનનારને ગર્ભ રાખી દીધો હોવાનું બહાર આવતા પોલીસે તેની સામે પોક્સો એક્ટ હેઠળનો પણ ગુન્હો નોંધી કોર્ટમાં રજુ કરતા ન્યાયીક હીરાસતમાં મોકલવાનો હુકમ ફરમાવેલ હતો. ત્યારબાદ આરોપીએ ઉપરોકત કામ સબબ જામીન પર મુકત થવા માટે જામીન અરજી રાજકોટ સેશન્સ કોર્ટમાં ગુજારેલ હતી.

જે જામીન અરજીમાં આરોપી હાર્દિક ઉર્ફે કાનો રાજેશભાઈ કાચરોલા વતી રોકાયેલ એડવોકેટ રણજીત બી. મકવાણા દ્વારા કરવામાં આવેલી રજુઆતો તેમજ વડી અદાલતના રજુ રાખેલ ચુકાદાઓને ધ્યાનમાં લઈ સેશન્સ કોર્ટે આ કામના આરોપીને જામીન ઉપર મુકત કરવાનો હુકમ ફરમાવેલ છે. આ કામમાં આરોપી વતી યુવા એડવોકેટ રણજીત બી. મકવાણા, જીજ્ઞેશ એમ. સભાડ, નરેન્દ્ર બાવળીયા રોકાયા હતા.