આમ તો અવારનવાર રણવીરસિંહ પોતાના અતરંગી લૂકથી ફેન્સને ચોકાવતો રહે છે પણ હવે તો સહઅભિનેતા વિજય પણ તેના જ નકશેકદમ પર હોય તેમ લાગી રહ્યું છે. ડાર્લિંગ ફેમ એક્ટર વિજય વર્માએ હાલમાં જ સાડી પહેરીને ફોટોશૂટ કરાવ્યું છે.


વિજય વર્માએ તાજેતરમાં બ્લેક ટક્સીડો અને વાદળી વાળ સાથે મેટલ સાડી સાથે ફોટોશૂટ કરાવ્યું છે. તેની તસવીરો જોઈને દરેક લોકો આશ્ચર્યચકિત થઈ ગયા છે. અભિનેતાએ રિમઝિમ દાદુ દ્વારા ડિઝાઇન કરાયેલ ક્લાસિક મેટલ સાડી પહેરીને ફોટોશૂટ કરાવ્યું છે. આ તસવીરો ડિઝાઇનરે પોતે તેના ઇન્સ્ટાગ્રામ પર શેર કરી છે જે હવે સોશિયલ મીડિયા પર વાયરલ થઈ રહી છે.

આ ફોટોશૂટમાં વિજયે પોતાના વાળનો કલર બ્લુ રાખ્યો છે. અભિનેતાની આ તસવીરો સોશિયલ મીડિયા પર ઘણી પસંદ કરવામાં આવી રહી છે અને દરેક તેની સ્ટાઈલના વખાણ કરી રહ્યા છે.

તસવીરોના શેર કરતા રિમઝિમે લખ્યું, ‘આર્ટ ઇન મોશન'. વિજય વર્માએ પોતાના કરિયરની શરૂઆત થિયેટર આર્ટિસ્ટ તરીકે કરી હતી. તેણે 'ગલી બોય' 'પિંક' અને 'મંટો' જેવી ઘણી ફિલ્મોમાં કામ કર્યું છે. આલિયા ભટ્ટ સાથેની તેની ડાર્લિંગ ફિલ્મના ખૂબ વખાણ થયા હતા. આ ઉપરાંત ‘મીરઝાપુર’માં પણ તેના ડબલ રોલની ક્રિટીક્સ દ્વારા નોંધ લેવાઈ હતી.