Japan’s privately built #Kairos rocket explodes seconds after take-off.
Japan is among the most advanced tech nations.
A silent salute to the unglamorous heroes of #ISRO who get it right launch after launch. pic.twitter.com/eSYN3nZt8D

— Abhijit Majumder (@abhijitmajumder) March 13, 2024

જાપાનના ખાનગી-ક્ષેત્રનું પ્રથમ રોકેટ હતું  ‘કૈરોસ’ :  ટેકનીકલ કારણોસર આ બ્લાસ્ટ થયો હોવાનું અનુમાન 

કોમર્શિયલ સ્પેસ રેસમાં સામેલ થવાના જાપાનના પ્રયાસોને આંચકો લાગ્યો છે. ખાનગી ક્ષેત્રનું દેશનું પ્રથમ રોકેટ, પ્રક્ષેપણ પછી તરત જ બ્લાસ્ટ થયું હતું. કંપની કોઈ ઉપગ્રહને ભ્રમણકક્ષામાં મૂકનાર પ્રથમ જાપાની કંપની બનવાનો પ્રયાસ કરી રહી હતી. લાઇવસ્ટ્રીમ થયેલા વિડિયોમાં દર્શાવવામાં આવ્યું છે કે, જાપાનના ખાનગી અવકાશ ક્ષેત્રને બીજા મોટા ફટકામાં, બુધવારે લિફ્ટઓફ કર્યા પછી તરત જ ભ્રમણકક્ષામાં જાપાનનું પ્રથમ ખાનગી-ક્ષેત્રનું રોકેટ 'કૈરોસ' વિસ્ફોટ થયું હતું.

ઓનલાઈન વીડિયોમાં દેખાઈ રહ્યું છે કે કૈરોસ નામનું આ રોકેટ મધ્ય જાપાનના વાકાયામા પ્રીફેક્ચરમાંથી છોડવામાં આવ્યું હતું, જે વૃક્ષોથી ભરેલા પર્વતીય વિસ્તાર છે, પરંતુ થોડી જ સેકન્ડોમાં રોકેટ હવામાં વિસ્ફોટ થઈ ગયું હતું. રોકેટ વિસ્ફોટ થયા બાદ સમગ્ર વિસ્તારમાં ધુમાડાના ગોટેગોટા ફેલાઈ ગયા અને કેટલીક જગ્યાએ આગની જ્વાળાઓ દેખાવા લાગી. વીડિયોમાં જોવા મળી રહ્યું છે કે રોકેટ વિસ્ફોટ બાદ આગને બુઝાવવાના પ્રયાસો કરવામાં આવી રહ્યા છે અને પાણીના છાંટાનો ઉપયોગ કરવામાં આવી રહ્યો છે. વીડિયોમાં સળગતા રોકેટનો કાટમાળ આસપાસના વિસ્તારમાં ફેલાતો જોઈ શકાય છે.

રોકેટમાં વિસ્ફોટ એ જાપાનના ખાનગી અવકાશ ક્ષેત્ર માટે મોટો ફટકો છે. આ રોકેટ ટોક્યો સ્થિત સ્ટાર્ટઅપ સ્પેસ વન દ્વારા લોન્ચ કરવામાં આવ્યું હતું, પરંતુ તેઓનો પ્રથમ પ્રયાસ નિષ્ફળ ગયો છે. જો કે હજુ સુધી કંપની દ્વારા બ્લાસ્ટ પાછળનું કારણ જણાવવામાં આવ્યું નથી. પ્રક્ષેપણ પહેલાથી જ ઘણી વખત વિલંબિત કરવામાં આવ્યું હતું અને જોખમ વિસ્તારમાં એક જહાજ જોવા મળ્યા પછી શનિવારે મોકૂફ રાખવામાં આવ્યું હતું, જાપાની મીડિયા અહેવાલોએ જણાવ્યું હતું. જો આ પ્રક્ષેપણ સફળ થયું હોત, તો સ્પેસ વન ભ્રમણકક્ષામાં રોકેટ મોકલનારી જાપાનની પ્રથમ ખાનગી કંપની બની હોત.

​​​​​​​

સૌથી મહત્વની બાબત એ છે કે સ્ટાર્ટઅપ સ્પેસ વનના આ રોકેટને કેનન ઈલેક્ટ્રોનિક્સ, આઈએચઆઈ, શિમિઝુ સહિતની ઘણી જાપાનીઝ બેંકો દ્વારા સહાય આપવામાં આવ્યું હતું અને દરેકને આશા હતી કે આ પ્રક્ષેપણ સફળ થશે, જે દેશના અવકાશ ઉદ્યોગમાં ખાનગી કંપનીઓ માટે તકો ઉભી કરશે. રસ્તો તૈયાર થઈ જશે, પરંતુ આ આશા પણ ઠગારી નીવડી છે. ટોક્યો સ્થિત સ્પેસ વનની સ્થાપના 2018માં કરવામાં આવી હતી. જો કે, રોકેટ વિસ્ફોટમાં ઈજા કે અન્ય કોઈ નુકસાનના તાત્કાલિક અહેવાલો નથી.