સાઉથ સિનેમાની બ્લોકબસ્ટર ફિલ્મ 'RRR'ની દુનિયાભરમાં ખૂબ જ બોલબાલા છે. દિગ્ગજ ફિલ્મ નિર્માતા એસએસ રાજામૌલીની 'RRR'એ સૌના દિલ જીતી લીધા છે. 'R R R'ની સાથે આ ફિલ્મના સુપરહિટ ગીત નાટુ નાટુના કારણે 'R R R'ના આ ગીતને 95માં ઓસ્કાર એવોર્ડમાં શોર્ટલિસ્ટ કરવામાં આવ્યું છે. 

આ વખતે 95મો ઓસ્કાર એવોર્ડ સમારોહ અમેરિકાના કેલિફોર્નિયાના લોસ એન્જલસમાં યોજાવાનો છે, જેમાં વિશ્વભરમાંથી ફિલ્મી હસ્તીઓનો મેળાવડો જોવા મળશે. બધાની નજર આ વખતે ભારતીય ફિલ્મ 'RRR'ના ગીત 'નાટુ -નાટુ' પર રહેશે. જે આ વખતે એકેડેમી એવોર્ડ્સ 2023માં બેસ્ટ ઓરિજિનલ સોંગ કેટેગરીમાં નોમિનેટ થયું છે. જો આપણે 'RRR' ના સુપરહિટ ગીત ના ગાયકોની વાત કરીએ તો તેને દક્ષિણ સિનેમાના પ્રખ્યાત ગાયકો રાહુલ સિપલીગંજ અને કાલ ભૈરવ એ ગાયું છે. આવી સ્થિતિમાં 'નાટુ -નાટુ' ગીતના ગાયક રાહુલ સિપલીગંજ અને કાલ ભૈરવ પણ ઓસ્કાર નાઈટ દરમિયાન લાઈવ પરફોર્મન્સ આપશે.​​​​​​​

તાજેતરમાં યોજાયેલા ઇન્ટરનેશનલ ફિલ્મ એવોર્ડ્સ ગોલ્ડન ગ્લોબ 2023માં, 'RRR'નું ગીત 'નાટુ -નાટુ'  જીત્યું હતું. 'નાટુ -નાટુના સંગીતકાર એમએમ કીરાવાણીને આ ગીત માટે આ વિશેષ એવોર્ડ મળ્યો હતો. આવી સ્થિતિમાં, ઓસ્કારમાં શોર્ટલિસ્ટ થયા બાદ એવી અટકળો લગાવવામાં આવી રહી છે કે ફિલ્મ જગતના આ સૌથી મોટા એવોર્ડ શોમાં 'RRR' (RRR)નું 'નાટુ -નાટુ' ભારતને ગૌરવ અપાવી શકે છે. 'નાટુ -નાટુ' સિવાય પ્રખ્યાત પોપ સિંગર્સ લેડી ગાગા, મિત્સ્કી, ડેવિડ બાયર્ન અને રિહાનાના ગીતોને પણ ઓસ્કાર 2023ની બેસ્ટ ઓરિજિનલ સોંગ કેટેગરીમાં નોમિનેટ કરવામાં આવ્યા છે.