આરજેડી નેતા લાલુ પ્રસાદ યાદવે 2024ની લોકસભા ચૂંટણી માટે વિપક્ષના પીએમ પદના ઉમેદવાર પર નિવેદન આપ્યું છે. તેમણે કહ્યું કે જે પણ વડાપ્રધાન બને તેની પત્ની હોવી જોઈએ. પીએમ આવાસમાં પત્ની વગર રહેવું ખોટું છે.

રાષ્ટ્રીય જનતા દળ (RJD)ના વડા લાલુ પ્રસાદ યાદવે દેશના આગામી વડાપ્રધાનને લઈને નિવેદન આપ્યું છે. તેમણે કહ્યું છે કે જે પણ વડાપ્રધાન બને તેની પત્ની હોવી જોઈએ. પીએમ આવાસમાં પત્ની વગર રહેવું ખોટું છે.

લાલુ યાદવને કોંગ્રેસ નેતા રાહુલ ગાંધી સાથે સંબંધિત એક પ્રશ્ન પૂછવામાં આવ્યો હતો. 2024ના પીએમ પદના ઉમેદવાર અને લગ્નને લઈને રાહુલ ગાંધીને આપવામાં આવેલી સલાહ પર પત્રકારોએ લાલુને સવાલ કર્યા હતા. તેના પર લાલુએ કહ્યું કે જે પણ વડાપ્રધાન બને તે પત્ની વગર ના રહે. પીએમ આવાસમાં પત્ની વગર રહેવું ખોટું છે.

23 જૂને પટનામાં વિપક્ષી પાર્ટીઓની બેઠક બાદ પત્રકારો સાથે વાતચીત દરમિયાન લાલુએ મજાકમાં રાહુલ ગાંધીને લગ્ન કરવાની સલાહ આપી હતી. પોતાની આગવી શૈલીમાં વાત કરતા લાલુ યાદવે કહ્યું કે જો રાહુલ ગાંધી લગ્ન કરશે તો તેઓ સરઘસમાં જશે.

લાલુ યાદવે રાહુલ ગાંધીને આગળ કહ્યું કે દાઢી ન વધારો, લગ્ન કરો. લાલુએ રાહુલ ગાંધીને કહ્યું કે તમારી માતા સોનિયા ગાંધી કહેતી હતી કે તેઓ મારી વાત સાંભળતા નથી. તમે લોકો તેના લગ્ન કરાવો.