મોટાભાગના લોકોને સૌથી વધુ પનીરનું શાક ભાવતું હોય છે. જો કે, પનીરનો ઉપયોગ માત્ર શાકમાં જ થતો નથી, પરંતુ પનીરમાંથી અનેક પ્રકારના નાસ્તા તૈયાર કરવામાં આવે છે. સામાન્ય રીતે લોકો બજારમાંથી પનીર ખરીદે છે, પરંતુ જો તમે ઇચ્છો તો બજાર જેવું સ્વાદિષ્ટ અને સોફ્ટ પનીર ઘરે જ તૈયાર કરી શકો છો. નરમ અને તાજું પનીર માત્ર અડધા કલાકમાં તૈયાર કરી શકાય છે.

જ્યારે ઘરે બનાવેલા તાજા પનીરનો શાકભાજીમાં ઉપયોગ કરવામાં આવે છે ત્યારે શાકનો સ્વાદ પણ બમણો થઈ જાય છે. આ સાથે ઘરે બનેલ હોવાના કારણે પનીર એકદમ શુદ્ધ હોવાની ખાતરી પણ છે.

પનીર માટેની સામગ્રી

1 લિટર દૂધ (ફુલ ક્રીમ અથવા ટોન્ડ)

1/2 સ્પૂન લીંબુનો રસ અથવા 1 ચમચી સફેદ સરકો

1/4 કપ ઠંડુ પાણી (વૈકલ્પિક)

બજાર જેવું સોફ્ટ પનીર બનાવવું એકદમ સરળ છે. આ માટે એક મોટા વાસણમાં દૂધ નાખીને ધીમી આંચ પર ઉકાળો. સતત હલાવતા રહો જેથી દૂધ તળિયે ચોંટી ન જાય. જ્યારે દૂધ ઉકળવા લાગે ત્યારે તેમાં ધીમે ધીમે લીંબુનો રસ નાખો, સતત તેને હલાવતા રહો. થોડી વાર બાદ તેમાંથી છાશ જેવુ પાણી અલગ થઈ ગયા પછી ગેસ બંધ કતો, અને મિશ્રણને 5 મિનિટ સુધી રહેવા દો. પછી, તેને મલમલના કપડા અથવા સ્ટ્રેનર દ્વારા ગાળી લો.

મલમલના કપડાને બાંધીને 15-20 મિનિટ સુધી લટકાવી દો. આ તેમાંથી વધારાની છાશ દૂર કરશે. જો તમે પનીરને થોડું સખત બનાવવા માંગતા હો, તો તમે તેને 10-15 મિનિટ સુધી કોઈ ભારે વસ્તુની નીચે રાખી શકો છો.

જો તમે પનીરને નરમ બનાવવા માંગતા હોવ તો તમે તેનો સીધો ઉપયોગ કરી શકો છો. તમે તેને નાસ્તામાં પરાઠા અથવા રોટલી સાથે સર્વ કરી શકો છો અથવા સલાડ, સેન્ડવીચ અથવા અન્ય વાનગીઓમાં તેનો ઉપયોગ કરી શકો છો. આ ઉપરાંત તમે તાજા લીંબુના રસને બદલે સફેદ સરકોનો ઉપયોગ કરી શકો છો. જો તમે પનીરને થોડું સ્વાદિષ્ટ બનાવવા માંગતા હો, તો તમે તેમાં થોડું મીઠું અથવા કાળા મરી ઉમેરી શકો છો.