પેગાટ્રોન કોર્પએ મેડ ઈન ઈન્ડિયા આઈફોન માંથી 17 ટકા અને ફોક્સકોને લગભગ 67 ટકા જેટલા ડીવાઈસ એસેમ્બલ કર્યા 

એપલ ઇન્કોર્પોરેટેડએ નાણાકીય વર્ષ 2024 માં ભારતમાં 14 બિલિયન ડોલર મૂલ્યના આઈફોન એસેમ્બલ કર્યા છે, બ્લૂમબર્ગના અહેવાલ મુજબ એપલ હવે ભારતમાંથી તેના માર્કી ડીવાઈસમાંથી 14 ટકા અથવા દર 7 માંથી લગભગ 1 ડીવાઈસ બનાવે છે. પેગાટ્રોન કોર્પએ ભારતમાં નિર્મિત આઈફોન માંથી 17 ટકા અને ફોક્સકોને લગભગ 67 ટકા જેટલા ડીવાઈસ એસેમ્બલ કર્યા છે.

દક્ષિણ ભારતના કર્ણાટક રાજ્યમાં વિસ્ટ્રોન કોર્પનો પ્લાન્ટ, જે ટાટા ગ્રુપે ગયા વર્ષે સંભાળ્યો હતો, તેણે બાકીનું ઉત્પાદન કર્યું હતું. એપલ બેઇજિંગ અને વોશિંગ્ટન વચ્ચેના ભૌગોલિક રાજકીય તણાવ વચ્ચે ચીનની બહાર તેની સપ્લાય ચેઈનમાં વધુને વધુ વૈવિધ્ય લાવવાનું વિચારી રહી છે, તેમ છતાં ચીન વિશ્વનું સૌથી મોટું આઇફોન મેન્યુફેક્ચરિંગ સેન્ટર છે.
​​​​​​​
 
અહેવાલ મુજબ પેગાટ્રોન તેની એકમાત્ર આઇફોન મેન્યુફેક્ચરિંગ ફેસિલિટીનું નિયંત્રણ ટાટા ગ્રૂપને ચેન્નાઇ પાસે સોંપવા માટે અદ્યતન વાટાઘાટો કરી રહી છે. ભારતીય ઉપભોક્તા માલસામાન સમૂહ તમિલનાડુના હોસુરમાં બીજો પ્લાન્ટ પણ બનાવી રહ્યું છે, જેમાં પેગાટ્રોન તેનું ભાગીદાર બને તેવી શક્યતા છે.