રાજકોટના ભાજપના લોકસભાના ઉમેદવાર પરસોત્તમ ‚પાલા સામે વિરોધનો વંટોળ વધતો જાય છે ત્યારે જામનગરમાં ઓશવાળ સેન્ટર ખાતે કાર્યકરના યોજાયેલા સંમેલન પહેલા ક્ષત્રિયઓએ ગેઇટની બહાર કાળા વાવટા ફરકાવીને ‚પાલાની ટીકીટ કાપો, ‚પાલા હાય-હાયના ઓચિંતા સૂત્રોચ્ચાર કરતા થોડો સમય પોલીસ હરકતમાં આવી ગઇ હતી, ખુદ જિલ્લા પોલીસ વડા પ્રેમસુખ ડેલું ઓશવાળ સેન્ટરે પહોંચી ગયા હતા, પ્રથમ સાતેક જેટલા વ્યક્તિઓની અટકાયત કર્યા બાદ એક બસમાં ૪૦ થી પ૦ ભાઇ-બહેનોએ કાળા વાવટા ફરકાવીને ઉગ્ર વિરોધ દર્શાવતા વાતાવરણમાં ઉત્તેજના પ્રસરી ગઇ હતી અને ગેઇટ પાસે પોલીસનો વધુ કાફલો ગોઠવી દેવાયો હતો.
આજે સવારે ૧૦.૩૦ વાગ્યા આસપાસ ઓશવાળ સેન્ટર પાસે સાતથી આઠ લોકો કાળા વાવટા લઇને આવ્યા હતા અને સૂત્રોચ્ચાર કરતા પોલીસે તમામની અટક કરીને હેડ કવાર્ટર લઇ ગઇ હતી, ત્યારબાદ ૧૧.૩૦ આસપાસ સીઆર પાટીલનો કાફલો ઓશવાળ સેન્ટર ખાતે આવી પહોંચ્યો હતો અને થોડીવાર બાદ પ્રવચન શ‚ થાય એ પહેલા જ ઓશવાળના બીજા ગેઇટ પાસે બસમાં ૩૦ થી ૪૦ ક્ષત્રિય સમાજના ભાઇ-બહેનો ઓચિંતા આવી પહોંચ્યા હતા અને કાળા વાવટા લહેરાવીને ‚પાલા હાય-હાય... અને ‚પાલાની ટીકીટ રાજકોટથી કાપો... તેવા સૂત્રો બોલાવ્યા હતા.