બ્લૂમબર્ગ બોન્ડ ઈન્ડેક્સમાં ભારતના સમાવેશની અટકળો, ૪૫ બિલિયન ડોલરનું થશે રોકાણ 

જાન્યુઆરી અને ફેબ્રુઆરીમાં ભારતીય શેરબજારમાંથી નાણાં પાછા ખેચવા છતાં વિદેશી રોકાણકારો ભારત પ્રત્યે મહેરબાન છે. વિદેશી રોકાણકારો (એફઆઈઆઈ) એ નાણાકીય વર્ષ ૨૦૨૩-૨૪માં અત્યાર સુધીમાં ૩૨.૨ અબજ ડોલર એટલે કે લગભગ રૂ. ૨.૭૫ લાખ કરોડનું રોકાણ કર્યું છે, જે છેલ્લા ૦૯ વર્ષમાં સૌથી વધુ રોકાણ છે. એફઆઈઆઈ એ ઇક્વિટીમાં રૂ. ૧.૬૯ લાખ કરોડ, ડેટ સિક્યોરિટીઝ (બોન્ડ્સ)માં રૂ. ૧.૦૧ લાખ કરોડનું રોકાણ કર્યું છે અને હાઇબ્રિડ ફંડ્સમાં પણ રોકાણ કર્યું છે. 

જેપી મોર્ગન પછી બ્લૂમબર્ગ પણ ટૂંક સમયમાં ભારતને તેના બોન્ડ ઈન્ડેક્સમાં સામેલ કરવાની તૈયારી કરી રહ્યું છે. જો આમ થાય તો આ વર્ષે ભારતીય બોન્ડ માર્કેટમાં આશરે ૪૫ બિલિયન ડોલરનું રોકાણ આવી શકે છે. માર્કેટ એક્સપર્ટસને આશા છે કે લોકસભાની ચૂંટણી પછી ભારતીય શેરબજારમાં નવી તેજી જોવા મળી શકે છે. આ અઠવાડિયે ભારતીય શેરબજારોનું વલણ કાયદાકીય વલણો દ્વારા નક્કી કરવામાં આવે તેવી અપેક્ષા છે.

સ્થાનિક તેમજ વૈશ્વિક મોરચે વધતી ઉપજ અને વ્યાજ દરો અંગેની અનિશ્ચિતતા વચ્ચે, વિદેશી રોકાણકારોએ ફેબ્રુઆરીમાં ભારતીય શેરબજારોમાંથી રૂ. ૩,૭૭૬ કરોડ પાછા ખેંચ્યા છે. આ મહિને વિદેશી રોકાણકારોએ ૧૬,૫૬૦ કરોડ રૂપિયા બોન્ડમાં મૂક્યા છે. વિદેશી રોકાણકારોએ ૨૦૨૪માં અત્યાર સુધીમાં રૂ. ૨૯,૫૧૯ કરોડના શેર વેચ્યા છે જયારે ફેબ્રુઆરીમાં રૂ. ૩,૭૭૫ કરોડનું વેચાણ થયું છે.

બોન્ડ્સમાં જંગી વિદેશી રોકાણ

ઓક્ટોબર - ૬,૩૮૧ કરોડ 
નવેમ્બર – ૧૪,૬૮૦ કરોડ
ડિસેમ્બર – ૧૮,૩૦૨ કરોડ
જાન્યુઆરી – ૧૧૯,૮૩૭ કરોડ
ફેબ્રુઆરી – ૧૬, ૫૫૯ કરોડ