ભારતીય ટીમ હાલમાં T20 વર્લ્ડ કપ 2024ના સુપર-8 રાઉન્ડમાં અફઘાન ટીમ સામે રમી રહી છે. આ મેચમાં કેપ્ટન રોહિત શર્માએ ટોસ જીતીને પહેલા બોલિંગ કરવાનો નિર્ણય લીધો છે. ભારતીય ટીમે પ્લેઈંગ ઈલેવનમાં એક ફેરફાર કર્યો છે. ટીમમાં મોહમ્મદ સિરાજની જગ્યાએ કુલદીપ યાદવને તક મળી છે.

અફઘાનિસ્તાન સામેની મેચમાં ભારતીય ટીમના ખેલાડીઓ હાથ પર કાળી પટ્ટી બાંધીને આવ્યા હતા. ડેવિડ જોન્સને શ્રદ્ધાંજલિ આપવા માટે ભારતીય ખેલાડીઓ આ આર્મ બેન્ડ પહેર્યો છે. ભૂતપૂર્વ ભારતીય ખેલાડી ડેવિડ જોન્સને બેંગલુરુમાં તેના એપાર્ટમેન્ટના ચોથા માળની બાલ્કનીમાંથી કૂદીને આત્મહત્યા કરી હતી. તે સ્વાસ્થ્ય સમસ્યાઓથી પીડાતા હતા. થોડા દિવસ પહેલા જ તેમને હોસ્પિટલમાંથી રજા આપવામાં આવી હતી. જાણવામાં આવ્યું છે કે તેઓ ડિપ્રેશનનો શિકાર હતા.

ડેવિડ જોન્સને વર્ષ 1996માં ભારતીય ટીમ માટે ડેબ્યૂ કર્યું હતું. આ પછી, તેણે ટીમ ઇન્ડિયા માટે 2 ટેસ્ટ મેચમાં 8 રન બનાવ્યા અને ત્રણ વિકેટ લીધી. આ સિવાય તેણે 39 ફર્સ્ટ ક્લાસ અને 33 લિસ્ટ A મેચ પણ રમી હતી. ડેવિડ જોન્સને તેની કારકિર્દીમાં એક ટેસ્ટ મેચ દક્ષિણ આફ્રિકા સામે અને એક ઓસ્ટ્રેલિયા સામે રમી હતી. જે બાદ તેને ટીમ ઈન્ડિયામાં તક મળી ન હતી.