એસએસ રાજામોલી પોતાની આગામી ફિલ્મ મહેશ બાબુ સાથે કરવાના છે. ફિલ્મ એસએસએમબી ૨૯ની અનાઉન્સમેન્ટ તેણે કરી દીધી છે. હવે આ ફિલ્મને લઇને અપડેટ છે કે,  મહેશ બાબુનો રોલ આ ફિલ્મમાં ભગવાન હનુમાનથી પ્રેરિત હશે. ફિલ્મનું રાઈટીંગનું કામ પુરુ થઇ ગયું છે અને સ્ક્રિપ્ટ પણ તૈયાર થઇ ગઇ છે. આ ફિલ્મ હાલ પ્રી-પ્રોડકશનમાં છે. ફિલ્મની સ્ટોરી રાઈટર વિજયેન્દ્ર પ્રસાદે લખી છે.

રાજામોલીએ સોશયલ મીડિયા પર એક વીડિયો શેર કરીને જણાવ્યું છે કે, એમે અમારી આગામી ફિલ્મને શરૃ કરી દીધી છે. અમે તેનું રાઈટીંગપુરુ કરી દીધું છે અને હાલ આ ફિલ્મ પ્રી-પ્રોડકશનમાં છે. જોકે હજુ સુધી અમે કાસ્ટિંગ પુરી કરી નથી. પરંતુ હીરો મહેશ બાબુ જ છે. કહેવાય છે કે, એસએસએમબી ૨૯ એક બિગ બજેટ ફિલ્મ બનવાની છે. એટલું જ નહીં લોકોને આશા છે કે, આ ફિલ્મ ભારતની 'ઇન્ડિયાના જોન્સ' પુરવાર થશે. ફિલ્મ નિર્માતા આફ્રિકામાં એક એકશન-એડવેન્ચર સેટ માટે હોલીવૂડ અભિનેતાઓને પણ સામેલ કરવાના છે.